Hrithik Roshan : “आता मी ती चूक पुन्हा करणार नाही..” म्हणत हृतिकने नाकारला रावणाचा रोल!!

Hrithik Roshan : होय, चर्चा खरी मानाल तर रामायणावर आधारित एक बिग बजेट सिनेमा हृतिकने धुडकावून लावला आहे.

विक्रम वेधा या सिनेमाकडून हृतिकला माेठ्या अपेक्षा होत्या. पण सिनेमा आपटला आणि हृतिकला मोठा धक्का बसला.

विक्रम वेधा अपयशी ठरल्यानंतर आता हृतिकने एक मोठा सिनेमा नाकारल्याचं कळतंय.

होय, चर्चा खरी मानाल तर रामायणावर आधारित एक बिग बजेट सिनेमा हृतिकने धुडकावून लावला आहे.

दिग्दर्शक नितेश तिवारी रामायणावर एक मोठा सिनेमा बनवणार आहे. या चित्रपटातील रावणाची भूमिका हृतिकला ऑफर झाली होती.

आता बॉलिवूड हंगामाने दिलेल्या वृत्तानुसार, हृतिकने रावणाची भूमिका करण्यास नकार दिला आहे.

आता याचं कारण काय, तर आता म्हणे हृतिकला निगेटीव्ह भूमिकाच नको आहेत. रामायणाची स्क्रिप्ट हृतिकला आवडली होती. पण त्याला निगेटीव्ह भूमिका नको होती.

विक्रम वेधा अपयशी ठरल्यानंतर हृतिकने त्यातून हा धडा घेतला आहे. आता फक्त त्याला हिरोच्या भूमिका हव्या आहेत.

नितेश तिवारींनी त्याची बरीच समजूत काढण्याचे प्रयत्न केलेत. पण हृतिक रावणाच्या भूमिकेसाठी तयार झाला नाही.

अखेर आता नितेश तिवारींनी नव्या अभिनेत्याचा शोध सुरू केल्याचं कळतंय. केजीएफ फेम यशच्या नावाचा विचार मेकर्सनी चालवला आहे.

यश रावणाच्या भूमिकेसाठी परफेक्ट आहे, असं मेकर्सचं मत आहे. रामाची भूमिका रणबीर कपूर साकारणार असल्याची चर्चा आहे.