विकी कौशल आणि कतरिना कैफची कशी झालेली पहिली भेट? कुठे केलं होतं प्रपोझ? अभिनेत्याने केला खुलासा

Vicky Kaushal and Katrina Kaif Lovestory : विकी कौशलने नुकतेच एका शोमध्ये त्याची आणि कतरिना कैफच्या पहिल्या भेटीचा किस्सा सांगितला.

विकी कौशल आणि कतरिना कैफ हे बॉलिवूडमधील सर्वात आवडत्या जोडप्यांपैकी एक आहेत. या जोडीला नुकतेच पुत्ररत्न प्राप्त झालं आहे. या सगळ्यात, 'छावा' (Chhava) अभिनेता विकी कौशल नुकताच ट्विंकल खन्ना आणि काजोलच्या 'टू मच विथ ट्विंकल अँड काजोल' या शोमध्ये दिसला होता. तिथे त्याने खुलासा केला की तो आणि त्याची पत्नी, अभिनेत्री कतरिना कैफ यांची पहिली भेट कशी झाली होती.

विकी कौशलने सांगितले की, त्याची कतरिना कैफसोबतची पहिली भेट एका पुरस्कार सोहळ्यात झाली होती. त्या क्षणाची आठवण सांगताना विकी म्हणाला, "मी तिला पहिल्यांदा एका पुरस्कार सोहळ्यात भेटलो होतो, ज्याचे होस्टिंग मी करत होतो.

तो पुढे म्हणाला, मी तिच्यासोबत स्टेजवर 'चिकनी चमेली' गाण्यावर परफॉर्म केला आणि नंतर, जेव्हा आम्ही बॅकस्टेज गेलो, तेव्हा सुनील ग्रोव्हरने आमची ओळख करून दिली. मला भेटल्याच्या पाच मिनिटांच्या आतच, कतरिना मला शो होस्ट करण्याची पद्धत शिकवू लागली आणि 'गुडनाईट' बोलू लागली!"

तिची दुसरी भेट दुसऱ्या एका पुरस्कार सोहळ्यात झाली, जिथे विकीने एका स्क्रिप्टेड गॅग अंतर्गत, स्टेजवर गंमत म्हणून कतरिनाला प्रपोज केले होते. तो हसून म्हणाला, "दुसऱ्या पुरस्कार सोहळ्यादरम्यान, मी तिला विचारले, 'तू विकीसारख्या चांगल्या मुलाशी लग्न का करत नाहीस?' पण तेव्हा आम्ही डेटिंग करत नव्हतो."

विक्कीने स्पष्ट केले की, त्या सेगमेंटमध्ये त्याला प्रत्येक अभिनेत्रीला तोच प्रश्न विचारायचा होता, परंतु कतरिनासोबतचे त्याचे संभाषण व्हायरल झाले, ज्यामुळे त्यांच्या केमिस्ट्रीबद्दल अटकळ बांधल्या जाऊ लागल्या.

मंचावर एका हलक्या-फुलक्या क्षणातून सुरू झालेली विकी आणि कतरिनाची कहाणी लवकरच एका सुंदर खऱ्या आयुष्यातील रोमान्समध्ये बदलली.

काही काळ शांतपणे डेटिंग केल्यानंतर, विकी कौशल आणि कतरिना कैफ यांनी आपल्या नात्याला पुढच्या स्तरावर नेले आणि ९ डिसेंबर २०२१ रोजी राजस्थानमधील सिक्स सेन्सेस फोर्ट बरवाडा येथे एका खासगी पण भव्य सोहळ्यात लग्न केले.

या लग्नात केवळ जवळचे मित्र आणि कुटुंबातील सदस्यच उपस्थित होते आणि नंतर या जोडप्याने त्यांचे सुंदर फोटो शेअर केले होते. नुकतेच, ७ नोव्हेंबर २०२५ रोजी, या जोडप्याने आपल्या छोट्या राजकुमाराचे स्वागत केले आहे.