३० वर्षीय मराठी अभिनेत्रीला डेट करतोय गोविंदा?; भाचा म्हणाला, “जर मामा नवीन मामी घेऊन...”

गोविंदाच्या अफेअरच्या अफवांमध्ये किती तथ्य आहे यावर त्याचा भाचा विनय आनंदने प्रतिक्रिया दिली आहे.

६१ वर्षीय गोविंदाच्या अफेअरची जोरदार चर्चा रंगली होती. तो एका ३० वर्षीय मराठी अभिनेत्रीला डेट करत असल्याचं म्हटलं जात होतं.

सुनीता आहुजा यांच्यासोबतच्या गोविंदाच्या वैवाहिक जीवनात या अफेअरमुळेच वाद निर्माण झाला. सुनीता यांनी पतीला घटस्फोटाची नोटीस पाठवली होती.

गोविंदाच्या अफेअरच्या अफवांमध्ये किती तथ्य आहे यावर त्याचा भाचा विनय आनंदने प्रतिक्रिया दिली आहे. त्याने अफेअर ही अफवा असल्याचं म्हटलं आहे.

एका मुलाखतीत विनय म्हणाला, “जर मामा नवीन मामी घेऊन येणार असेल तर तो मला सांगेल. असं काही नाही. या अफवा सुपरस्टारबद्दल पसरत असतात.”

"कधीकधी गैरसमज होतात. मामीच्या मनात नेमकं काय आलं असेल काय माहित."

"मामी चुकीची आहे असं मी म्हणू शकत नाही. कारण मी तिचा खूप आदर करतो. माझा मामा माझ्या वडिलांसारखा आहे. मी प्रार्थना करतो की, या दोघांमध्ये सर्व काही नीट व्हावं"

“सर्व स्टार्ससोबत असं होत असतं. हे वर्ष काहीसं असंच आहे. जर मामी नाराज झाली असेल तर तिला काहीही बोलण्याचा अधिकार आहे."

"लोकांना मामीचं बोलणं विचित्र वाटेल. एक गोष्ट लक्षात घ्या, मामी बोलत आहे. पण मामाने कोणतंही चुकीचं विधान केलेलं नाही."

गोविंदा-सुनीता यांच्या घटस्फोटाच्या चर्चांना आता पूर्णविराम मिळाला आहे. दोघांमधील वाद मिटला आहे, सर्व काही ठीक असल्याचा दावा केला जात आहे.