'दृश्यम २' ते KGF 2, सरत्या वर्षात जगभरात छप्परफाड कमाई करणारे 'हे' आहेत टॉप १० सिनेमे

Flashback 2022 : कोरोना महामारीमुळे दीर्घकाळ थांबल्यानंतर, भारतीय चित्रपट उद्योगाने २०२२ मध्ये काही बहुप्रतिक्षित रिलीजसह सुरुवात केली, ज्यामध्ये बऱ्याच चित्रपटांनी जगभरात किमान ५० कोटी रुपयांची कमाई केली.

बिस्ट चित्रपट दहाव्या क्रमांकावर असून अंदाजे चित्रपट बनवण्यासाठी १३० कोटी रुपये खर्च करण्यात आले आहेत. या चित्रपटाने जगभरात २१७ कोटी रुपयांचा बिझनेस केला आहे. नेल्सन दिग्दर्शित हा तमीळ भाषेतील अॅक्शनपट दहशतवाद्यांनी शॉपिंग मॉलमध्ये ओलिस ठेवलेल्या लोकांना सोडवण्यासाठी माजी रॉ एजंटच्या धर्मयुद्धाभोवती फिरतो.

भुल भुलैया २ चित्रपट नवव्या क्रमांकावर आहे. या चित्रपटाचे अंदाजे बजेट ७५ कोटी रुपये आहे. जगभरात अंदाजे २६७ कोटींची कमाई केली आहे. अनीस बज्मी दिग्दर्शित हिंदी कॉमेडी हॉरर चित्रपट २००७ मध्ये आलेल्या भूल भुलैयाचा एक स्वतंत्र सिक्वेल आहे.

दृश्यम २ चित्रपट आठव्या क्रमांकावर आहे. या चित्रपटाचे अंदाजे बजेट ५० कोटी रुपये आहे. या चित्रपटाने जगभरात ३०७ कोटींची कमाई केली आहे. अभिषेक पाठक दिग्दर्शित हिंदी क्राइम थ्रिलर चित्रपट, याच नावाच्या २०२१ साली मल्याळम चित्रपटावर आधारित आहे. दृश्यम २, विशेष म्हणजे, २०१५ मध्ये आलेल्या दृश्यम चित्रपटाचा सिक्वेल आहे.

सातव्या क्रमांकावर आहे काश्मीर फाइल्स चित्रपट. या चित्रपटासाठी २० कोटी रुपये खर्च करण्यात आले आहेत. जगभरात चित्रपटाने ३४० कोटींची कमाई केली आहे. विवेक अग्निहोत्री दिग्दर्शित चित्रपट १९९०च्या दशकातील "काश्मिरी पंडितांच्या निर्गमन"वर केंद्रित आहे.

कांतारा चित्रपट सहाव्या स्थानावर आहे. हा चित्रपट बनवण्यासाठी १६ कोटी रुपये खर्च करण्यात आले. या चित्रपटाने जगभरात ४०७ कोटींची कमाई केली आहे. कन्नड भाषेतील अॅक्शन थ्रिलर चित्रपट ऋषभ शेट्टीने दिग्दर्शित केला आहे आणि तो 'कंबाला' आणि 'भूत कोला'च्या संस्कृतीवर आधारीत आहे.

पाचव्या स्थानावर विक्रम चित्रपट असून या चित्रपटासाठी अंदाजे १४० कोटी खर्च करण्यात आले आहेत. जगभरात या चित्रपटाने ४२६ कोटींची कमाई केली आहे. विक्रम हा लोकेश कनागराज दिग्दर्शित तामिळ भाषेतील उच्च-ऑक्टेन अॅक्शन चित्रपट आहे.

ब्रह्मास्त्र चित्रपट चौथ्या क्रमांकावर आहे. हा चित्रपट बनवण्यासाठी ४१० कोटी रुपये खर्च करण्यात आले आहेत. या चित्रपटाने जगभरात ४३० कोटींची कमाई केली आहेत.

पोन्नियिन सेल्वन १ चित्रपट तिसऱ्या क्रमांकावर आहे. या चित्रपटावर २५० कोटी रुपये खर्च करण्यात आले आहेत. या चित्रपटाने जगभरात ५०० कोटींची कमाई केली आहे. मणिरत्नम यांनी दिग्दर्शित केलेला तामिळ भाषेतील ऐतिहासिक अॅक्शन ड्रामा चित्रपट आहे.

आरआरआर चित्रपट दुसऱ्या क्रमांकावर आहे. हा चित्रपट बनवण्यासाठी ५५० कोटी रुपये खर्च करण्यात आले आहेत. या चित्रपटाने जगभरात १,२२४ कोटींची कमाई केली आहे. एस.एस. राजामौली यांनी दिग्दर्शित केलेला तेलुगू भाषेतील एपिक अॅक्शन ड्रामा चित्रपट. हा चित्रपट दोन वास्तविक जीवनातील भारतीय क्रांतिकारक, त्यांची काल्पनिक मैत्री आणि ब्रिटिश राजवटीविरुद्धचा त्यांचा लढा याभोवती केंद्रित आहे.

KGF 2 चित्रपट दुसऱ्या क्रमांकावर आहे. चित्रपटासाठी १०० कोटी रुपये खर्च करण्यात आले आहेत. जगभरात या चित्रपटाने १२५० कोटींची कमाई केली आहे.