शिंदेंच्या शिवसेनेत प्रवेश केलेल्या गोविंदाचं नेटवर्थ किती? संपत्तीच्या बाबतीत आहे 'राजा बाबू'

सिनेमे करत नाही, बॉलिवूडपासूनही आहे दूर; मग गोविंदा कोट्यवधी कसे कमावतो?

बॉलिवूडचा सुपरस्टार असलेल्या गोविंदाने निवडणुकांच्या पार्श्वभूमीवर आज मुख्यमंत्री एकनाथ शिंदे यांच्या शिवसेनेत प्रवेश केला. गेल्या काही दिवसांपासूनच त्याच्या राजकीय प्रवेशाबाबत चर्चा सुरू होत्या.

मुख्यमंत्र्यांच्या वर्षा निवासस्थानी गोविंदाने धनुष्यबाण हाती घेत त्याच्या राजकीय प्रवासाला नव्याने सुरुवात केली आहे.

गोविंदाला मुंबईतील उत्तर पश्चिम मतदारसंघातून लोकसभेची उमेदवारी मिळणार असल्याची चर्चा आहे.

याआधी गोविंदाने काँग्रेसच्या तिकिटावर लोकसभा निवडणुक लढवली होती. २००४ साली त्याने उत्तर मुंबईच्या जागेवर निवडणुक लढवली होती.

भाजपाच्या राम नाईक यांचा परावभ करून तो निवडूणही आला होता. राजकीय करिअरसाठी त्याने बॉलिवूडला रामराम केला होता.

त्याने पुन्हा कमबॅक करण्याचाही प्रयत्न केला होता. पण, यात त्याला अपयश आलं. गेल्या कित्येक वर्षांपासून गोविंदाने एकही सिनेमा केलेला नाही. पण तरीही त्याच्याकडे कोटींची संपत्ती आहे.

बॉलिवूड गाजवणारा गोविंदा संपत्तीच्या बाबतीतही राजा बाबू आहे. शिंदेंच्या शिवसेनेत प्रवेश करणाऱ्या गोविंदाची एकूण संपत्ती तुम्हाला माहीत आहे का?

गोविंदाचा मुंबईत आलिशान बंगला आहे. त्याची किंमत सुमारे १६ कोटींच्या घरात आहे. मीडिया रिपोर्टनुसार, त्याचा जुहू परिसरातही एक बंगला आहे.

याबरोबरच त्याने रिअल इस्टेटमध्ये गुंतवणूक केली आहे. तिथून त्याची चांगली कमाई होते. गोविंदाकडे अनेक लक्झरी गाड्याही आहेत.

याव्यतिरिक्त गोविंदा ब्रँड एंडोर्समेंटमधून कोटींची कमाई करतो. वर्षाला जवळपास तो १६ कोटींची कमाई करतो.

मीडिया रिपोर्टनुसार, गोविंदा एकूण १७० कोटींचा मालक आहे.