याला रोल झेपेल का? सूरजला पाहून मिलिंद गवळींना पडलेला प्रश्न, म्हणाले- "त्याला पहिल्यांदा भेटलो तेव्हा..."

सूरजला पहिल्यांदा भेटल्यानंतर याला हा रोल झेपेल का? अशी शंका मिलिंद गवळींना होती. मात्र स्वभावाने साधा पण तितकाच निडर असलेल्या सूरजने मिलिंद गवळींची ही शंका दूर केली. 

रीलस्टार आणि बिग बॉस मराठी फेम सूरज चव्हाण त्याच्या आगामी 'झापुक झुपूक' सिनेमामुळे चर्चेत आहे. केदार शिंदेंनी बिग बॉस मराठी ५च्या फिनालेलाच याची घोषणा केली होती. या सिनेमात सूरज मुख्य भूमिकेत दिसणार आहे. तर 'झापुक झुपूक'मध्ये अभिनेता मिलिंद गवळीदेखील महत्त्वाची भूमिका साकारणार आहेत. मिलिंद गवळींनी इन्स्टाग्रामवर सूरजसाठी खास पोस्ट लिहिली आहे. 

सूरजला पहिल्यांदा भेटल्यानंतर याला हा रोल झेपेल का? अशी शंका मिलिंद गवळींना होती. मात्र स्वभावाने साधा पण तितकाच निडर असलेल्या सूरजने मिलिंद गवळींची ही शंका दूर केली. 

सूरजसाठी मिलिंद गवळींची पोस्ट 

निर्मळ, निरागस, मनाने चांगला, प्रेमळ, जिद्दी, मोठी मोठी स्वप्न पाहणारा...कधीही हार न मानणारा, स्वतःचे ठाम विचार असणारा... 

लहान वयात आई-वडिलांचं छत्रछाया हरवल्यानंतर संपूर्ण कुटुंबाची जबाबदारी घेणारा, humiliation rejection पचवून त्यावर मात करणारा, आपल्या पाचही बहिणींवर खूप खूप माया करणारा...स्पष्ट शब्द उच्चारता न येता मनातल्या भावना अचूक व्यक्त करणारा. 
स्वतःची एक वेगळी style निर्माण करणारा, हिंदी आणि दक्षिणातल्या सुपरस्टारपेक्षा भारी swag असलेला सूरज चव्हाण.

काही महिन्यापूर्वी "झापुक झुपूक" चित्रपटाच्या script reading साठी यशवंतराव चव्हाण सभागृहमध्ये पहिल्यांदा मी सूरजला भेटलो आणि आमच्यात फक्त hi,hello, नमस्कार झालं. तो एक लाजरा मुलगा आहे असं मला भासलं. माझ्या मनात एक शंका आली की या सिनेमातला मध्यवर्ती सशक्त रोल याला झेपेल का? केदार शिंदे यांनी मोठं शिवधनुष्यच उचललं आहे. 

सूरजशी माझी दुसरी भेट costume trialच्या दिवशी अंधेरीच्या स्टुडिओमध्ये झाली. त्यादिवशी मला बघताच त्याने एक छानशी घट्ट प्रेमळ मिठी मारली. तो आता थोडा खुललेला दिसला. त्याच्याशी तिसरी भेट शूटिंग लोकेशनच्या ठिकाणी वाई मध्ये झाली आणि तेव्हा तो मला खूप confident दिसला.  आम्ही भेटताच क्षणी परत एकदा एकमेकांना घट्ट मिठी मारली. त्या मिठीमध्ये खूप warmth आणि purity होती. जी या सिनेमा क्षेत्रात खूप कमी अनुभवायला मिळते. अनेक वर्षांमध्ये मी formalityच्या मिठ्या, hugs, देखल्या देवा दंडवत, खोट्या smiles, पाठ फिरताच एकमेकांना नाव ठेवणे... त्यात सूरजसारखी निर्मळ माणसे भेटली की मनाला खूप छान वाटतं. 

shooting set वर त्याच्याशी बोलताना तो म्हणाला "या सिनेमात काम करायची त्याला भीती वाटत होती. दडपण आलं होतं. पण, केदार सर आहेत ना मग मी करू शकतो , हार मानायची नाही". आणि खरंच डबिंगच्या वेळेला त्याचं काम बघितलं आणि मी थक्कच झालो. फारच सुंदर अभिनय केला आहे त्याने...जिद्द, कष्ट करायची तयारी, आणि खूप नम्रता...या मुलांमध्ये विपरीत परिस्थितीमध्ये सुद्धा इतका positive attitude...

माझी मनापासून इच्छा आहे मायबाप प्रेक्षकांनी त्याला भरभरून यश द्यावं. त्याच्या सकारात्मक दृष्टिकोनामुळे त्याला ती यश नक्की मिळणार. सूरजबरोबर "झापुक झुपूक"मध्ये अजून काही young talented कलाकार आहेत. जुई भागवत, इंद्रनील कामत, पायल जाधव, हेमंत फरांदे आणि अजून सहा चेल्ले पिल्ले आहेत. या सगळ्यांची कामं प्रेक्षकांना खूप आवडतील. या गोड पोरांना, @jiostudios team ना, केदारजी शिंदे team यांना आणि माझ्या 'झापुक झुपूक' सिनेमाच्या संपूर्ण टीमला माझ्या खूप खूप शुभेच्छा.

'झापुक झुपूक' सिनेमात मिलिंद गवळी पंजाबराव ही भूमिका साकारताना दिसणार आहेत. येत्या २५ एप्रिलला सिनेमा सर्वत्र प्रदर्शित होणार आहे.