जयवंत वाडकर यांच्या लेकीचे ग्लॅमरस फोटो आले चर्चेत, तीदेखील आहे अभिनेत्री

फार कमी लोकांना माहित आहे की, जयवंत वाडकर (Jaywant Wadkar) यांची मुलगीदेखील अभिनेत्री आहे.

मराठी आणि हिंदी सिनेइंडस्ट्रीसोबतच दाक्षिणात्य चित्रपटात आपल्या अभिनय कौशल्याने अभिनेता जयवंत वाडकर (Jaywant Wadkar) यांनी रसिकांच्या मनावर छाप उमटविली आहे. चित्रपट, मालिका आणि नाटकांमध्ये त्यांनी एकापेक्षा एक दमदार भूमिका केल्या आहेत. त्यांनी बऱ्याच चित्रपटात छोट्या पण महत्त्वाच्या भूमिका केल्या आहेत. फार कमी लोकांना माहित आहे की, जयवंत वाडकर यांची मुलगीदेखील अभिनेत्री आहे. तिचे नाव स्वामिनी वाडकर (Swamini wadkar)आहे.

अभिनेता जयवंत वाडकर यांनी १९८८ साली 'तेजाब' या हिंदी चित्रपटातून सिने कारकीर्दीची सुरुवात केली. तर मराठीत त्यांनी १९८८ साली एक गाडी बाकी अनाडी या चित्रपटातून मराठीत पदार्पण केले. आतापर्यंत त्यांनी मराठीत १०० हून अधिक तर हिंदीत ४५ हून अधिक चित्रपटात काम केले आहे. तसेच छोट्या पडद्यावरही त्यांनी खूप काम केले आहे. जयवंत वाडकर यांना एक मुलगा आणि एक मुलगी आहे. मुलाचे नाव तन्मय आहे तर मुलीचे नाव स्वामिनी आहे. 

स्वामिनी वाडकर सोशल मीडियावर सक्रीय असून तिच्या इन्स्टाग्राम अकाउंटवर अनेक ग्लॅमरस फोटोज शेअर करत असते. तसेच ती उत्तम बेली डान्सर देखील आहे. ती डान्सचे व्हिडीओदेखील इंस्टाग्रामवर शेअर करत असते. नुकतेच तिने ग्लॅमरस फोटो शेअर केले आहेत. तिच्या या फोटोंना चाहत्यांची पसंती मिळते आहे.

View this post on Instagram

A post shared by Swamini j wadkar 🦋 (@swaminiiwadkar)

जयवंत वाडकर यांची लेक स्वामिनी वाडकर हिनेदेखील वडिलांच्या पावलावर पाऊल टाकत अभिनयाचा वारसा पुढे नेण्याचे ठरवले आहे. स्वामिनीने महेश मांजरेकरांच्या 'एफ यू' या चित्रपटातून अभिनय क्षेत्रात पदार्पण केले. तसेच तिने सचिन पिळगावकर यांच्या 'ये है आशिकी' या चित्रपटातही काम केले आहे.