एकच जयघोष, छत्रपती संभाजी महाराज की जय...! 'छावा'च्या पोस्टरला दुग्धाभिषेक, विकीने शेअर केला खास व्हिडीओ

'छावा' सिनेमासंबंधी एक व्हिडीओ विकी कौशलने शेअर केलाय. या व्हिडीओत एक मुलगा छत्रपती संभाजीराजेंचा जयघोष करताना दिसतोय (chhaava)

'छावा' (chhaava movie) सिनेमा थिएटरमध्ये रिलीज झालाय. ज्या सिनेमाची जगभरातील चाहते आणि शिवप्रेमी वाट पाहत होते. 'छावा' रिलीज होताच पहिलाच दिवसापासून सिनेमाला प्रेक्षकांचा हाउसफुल्ल प्रतिसाद  मिळाला. आज दुसरा दिवस सुरु झालाय तरीही 'छावा'ची क्रेझ काही संपत नाहीये. अशातच 'छावा'मध्ये छत्रपती संभाजी महाराजांची भूमिका साकारणारा अभिनेता विकी कौशलने (vicky kaushal) एक खास व्हिडीओ शेअर केलाय. यात एका मुलाने 'छावा'च्या पोस्टरवर चढून दुधाचा अभिषेक केलाय.

'छावा'निमित्त एकच जयघोष

विकी कौशलने त्याच्या सोशल मीडिया हँडलवर 'छावा'निमित्त एक व्हिडीओ शेअर केलाय. या व्हिडीओत उदगीरमध्ये राहणारा एक मुलगा त्या भागातील असलेल्या थिएटरमध्ये 'छावा'चं जे पोस्टर लागलेलं असतं त्याच्यावर चढतो. तो मुलगा मोठ्याने छत्रपती संभाजी महाराज की जय! असं म्हणतो. पुढे हातातली दुधातली पिशवी फोडून तो पोस्टरवर सर्वत्र दुधाचा अभिषेक करतो. विकी कौशलने हा व्हिडीओ शेअर करुन छत्रपती संभाजी महाराज की जय..! असं कॅप्शन लिहिलंय. हा व्हिडीओ वेगाने व्हायरल होतोय.

विकीचा व्हिडीओ पाहून प्रेक्षकांच्या प्रतिक्रिया

"विकी भाऊ बगितले ना मराठ्यांचं प्रेम", "अंगावर काटा आला.. अभिमान आहे आम्ही या जन्मभूमी मध्ये जन्मलो", ""छावा" च्या संपूर्ण टीमचे खूप खूप धन्यवाद
चित्रपटाच्या माध्यमातून आपले राजे कोण होते, त्यांचे बलिदान किती मोठ आहे हे संपूर्ण जगाला समजेल",  अशा प्रतिक्रिया देत नेटकऱ्यांनी विकीचं आणि 'छावा'च्या संपूर्ण टीमचं अभिनंदन केलंय. 'छावा' सिनेमा १४ फेब्रुवारीला रिलीज झालाय. ओपनिंग डेला सिनेमाने ३३ कोटींचा व्यवसाय केलाय. दोन दिवसात 'छावा' १०० कोटींच्या क्लबमध्ये सहज दाखल होईल.