प्रसिद्ध बॉलिवूड निर्माते कुलजीत पाल यांचं निधन

Kuljit pal: वयाच्या ९० व्या वर्षी कुलजीत यांनी अखेरचा श्वास घेतला.

बॉलिवूडचे प्रसिद्ध चित्रपट निर्माते कुलजीत पाल यांचं निधन झालं आहे. २४ जून रोजी राहत्या घरी त्यांनी अखेरचा श्वास घेतला. ते ९० वर्षांचे होते. त्यांच्या निधनामुळे कलाविश्वावर शोककळा पसरली असून अनेकजण त्यांना आदरांजली अर्पण करत आहेत.  कुलजीत पाल हे गेल्या कित्येक दिवसांपासून आजारी होते. यामध्येच त्यांना हृदयविकाराचा झटका आला आणि यामध्येच त्यांची प्राणज्योत मालवली. कुलजीत पाल यांचे मॅनेजर यांनी त्यांच्या निधनाची माहिती दिली आहे.

कुलजीत यांनी बॉलिवूडमध्ये अनेक गाजलेले सिनेमा दिले होते. यात 'अर्थ', 'आज', 'परमात्मा', 'वासना', 'दो शिकारी' आणि 'आशियाना' यासारख्या  हिट सिनेमांची निर्मिती त्यांनी केली होती. विशेष म्हणजे कुलजीत यांनीच रेखाला पहिला ब्रेक दिला होता.

Producer of Mahesh Bhatt's classical 'Arth' Kuljit Pal passed away this evening. He also produced tele film Aaj, where Akshay Kumar acted as Rajiv Bhatia and Kumar Gaurav played lead with Kuljit's daughter Anu. He was known by his friendly nature. You will missed Sir🙏 #kuljitpalpic.twitter.com/tESenrc1j2

— Anuj Alankar (@Anujalankar9) June 24, 2023

दरम्यान, सूत्रांच्या माहितीनुसार, मुंबईतील सांताक्रुझ स्मशानभूमीत त्यांच्या पार्थिवावर अंत्यसंस्कार करण्यात येणार आहेत. तसंच २९ जून रोजी संध्याकाळी ५ ते ६ या वेळात शोकसभेचे आयोजन करण्यात आलं आहे.