रवीना-करिश्मामध्ये झाली होती झटापट, नेमकं काय घडलं होतं? सेटवर केला होता राडा

Raveena Tandon-Karishma Kapoor : बॉलिवूडमधील काही सेलिब्रिटींमधील वाद इतके वाढतात की लोकांना त्यांच्या भांडणाचे किस्से वर्षानुवर्षे आठवतात. त्यापैकी एक म्हणजे रवीना टंडन आणि करिश्मा कपूर या नव्वदच्या दशकातील दोन प्रसिद्ध अभिनेत्री, ज्या एकेकाळी एकमेकांच्या कट्टर शत्रू बनल्या होत्या.

बॉलिवूडच्या या झगमगत्या जगात प्रेम आणि संघर्षाच्या अनेक किस्से ऐकायला मिळतात. अनेकदा पडद्यावर फ्रेंड्स म्हणून दिसणाऱ्या स्टार्सना खऱ्या आयुष्यात एकमेकांचा चेहरा पाहायला आवडत नाही. दुसरीकडे, जे चित्रपटांमध्ये एकमेकांशी भांडताना दिसतात ते खऱ्या आयुष्यात खूप चांगले मित्र आहेत. मैत्रीचे किस्से तुम्ही खूप ऐकले असतील, पण आज आम्ही तुम्हाला बॉलिवूडच्या सर्वात मोठ्या कॅटफाईटची गोष्ट सांगणार आहोत. ही कथा आहे दोन अभिनेत्रींची ज्यांना एकमेकांचे तोंडही बघायचे नव्हते. या अभिनेत्री म्हणजे रवीना टंडन (Raveena Tandon) आणि करिश्मा कपूर (Karishma Kapoor).

ही गोष्ट १९९४ ची आहे जेव्हा रवीना टंडन आणि करिश्मा कपूर 'आतिश' चित्रपटात एकत्र काम करत होत्या. फराह खानने एका शोमध्ये खुलासा केला की ती रवीना आणि करिश्मा असलेल्या आतिश चित्रपटातील एका गाण्याचे नृत्यदिग्दर्शन करत होती. अचानक दोघींमध्ये भांडण सुरू झाले आणि दोघांनी एकमेकांना विग मारायला सुरुवात केली. दोघांमध्ये काही बोलणे झाले आणि प्रकरण हाणामारीपर्यंत पोहोचले. दोघी सेटवर सर्वांसमोर एकमेकांचे केस ओढू लागले. कसेबसे दोघांमधील भांडण शांत झाले, पण प्रकरण इथेच संपले नाही. दोघांमधील भांडण पुढेही सुरूच होते. 

या कारणावरून दोघांमध्ये कॅट फाइट सुरू झाली

खरं तर, एक काळ असा होता जेव्हा दोघांचेही अजय देवगणवर प्रेम होते. त्या काळात अजय देवगण रवीना टंडनला डेट करत असल्यामुळे चर्चेत होता. त्याचवेळी, काही वेळाने अजय करिश्माच्या जवळ येत आहे आणि त्याने रवीनासोबत ब्रेकअप केल्याची बातमी येऊ लागली. याच कारणावरून दोघांमध्ये कॅट फाइट सुरू झाली.

मला चार चित्रपटांमधून काढून टाकले....

१९९७ मध्ये एका मुलाखतीत रवीना टंडन म्हणाली होती, 'मी अभिनेत्रीचे नाव सांगणार नाही, पण ती असुरक्षित होती. तिने मला चार चित्रपटांमधून काढून टाकले. मी तिच्यासोबत चित्रपट करणार होते, पण ती निर्माता आणि अभिनेत्याच्या जवळ होती. म्हणूनच या गोष्टी झाल्या, पण मी असे खेळ खेळत नाही. मात्र, त्यानंतर काजोलने अभिनेत्याच्या आयुष्यात प्रवेश केला आणि तो काजोलच्या प्रेमात पडला. काही काळानंतर दोघांनी लग्न करण्याचा निर्णय घेतला.