Kamal Haasan यांना कोरोनाची लागण; पोस्ट शेअर करत दिली माहिती

Kamal Haasan: कमल हासन यांची पोस्ट पाहिल्यानंतर अनेकांनी त्यांना काळजी घेण्याचा सल्ला दिला आहे. तसंच त्यांच्या प्रकृतीत सुधारणा व्हावी यासाठी प्रार्थनाही केली आहे.

दाक्षिणात्य सुपरस्टार कमल हासन (Kamal Haasan) यांना कोरोनाची (korona virus) लागण झाली आहे. काही दिवसांपूर्वीच कमल हासन विदेश दौऱ्यावरुन देशात परतले होते. यावेळी किरकोळ खोकला झाल्यामुळे त्यांनी कोविड टेस्ट केली. ज्याचे रिपोर्ट्स पॉझिटिव्ह आले आहेत. कमल हासन सध्या आयसोलेशनमध्ये असून सोशल मीडियावर पोस्ट शेअर करत त्यांनी ही माहिती दिली आहे.

"युएस दौऱ्यावरुन परत आल्यावर मला थोडासा खोकला झाला होता. त्यामुळे मी तपासणी केली आणि मला कोरोना झाल्याचं समोर आलं. मी आयसोलेशनमध्ये आहे. पण, अजूनही कोरोना महामारी संपली नाही हे माझ्या लक्षात आलंय. तुम्ही सगळे सुरक्षित राहा आणि काळजी घ्या", असं ट्विट कमल हासन यांनी केलं आहे. 

அமெரிக்கப் பயணம் முடிந்து திரும்பிய பின் லேசான இருமல் இருந்தது. பரிசோதனை செய்ததில் கோவிட் தொற்று உறுதியானது. மருத்துவமனையில் தனிமைப்படுத்திக் கொண்டுள்ளேன். இன்னமும் நோய்ப்பரவல் நீங்கவில்லையென்பதை உணர்ந்து அனைவரும் பாதுகாப்பாக இருங்கள்.

— Kamal Haasan (@ikamalhaasan) November 22, 2021

दरम्यान, कमल हासन यांची पोस्ट पाहिल्यानंतर अनेकांनी त्यांना काळजी घेण्याचा सल्ला दिला आहे. तसंच त्यांच्या प्रकृतीत सुधारणा व्हावी यासाठी प्रार्थनाही केली आहे. कमल हासन हे दाक्षिणात्य कलाविश्वातील लोकप्रिय अभिनेता आहेत. १९६० मध्ये त्यांनी त्यांच्या करिअरची सुरुवात केली असून अनेक गाजलेल्या चित्रपटांमध्ये काम केलं आहे.  'Varumayin Niram Sivappu', 'Saagar', 'Vishwaroopam', 'चाची 420', 'इंडियन' अशा अनेक तेलुगू, तामिळ आणि बॉलिवूड चित्रपटांमध्ये ते झळकले आहेत.