"धरमजी अमर आहेत...", दिल्लीहून परत येताच शत्रुघ्न सिन्हांनी घेतली देओल कुटुंबाची भेट

धर्मेंद्र यांच्यासोबतचे फोटो शेअर करत शत्रुघ्न यांनी जुन्या आठवणी ताज्या केल्या.

७०-८० च्या दशकात अमिताभ बच्चन, धर्मेंद्र, शत्रुघ्न सिन्हा, जितेंद्र अशा काही कलाकारांना बोलबाला होता. त्यांचा प्रचंड मोठा चाहतावर्ग होता. धर्मेंद्र यांच्या चार्मिंग लूकवर अनेक अभिनेत्री फिदा होत्या. मोस्ट हँडसम म्हणून त्यांना प्रसिद्धी मिळाली होती. २४ नोव्हेंबर रोजी धर्मेंद्र यांनी जगाचा निरोप घेतला. आपल्या मित्राच्या निधनानंतर अमिताभ बच्चन दु:खी अवस्थेत पोहोचले होते. तर आता शत्रुघ्न सिन्हाही मित्राच्या आठवणीत भावुक झाले आहेत. त्यांनी ट्वीट शेअर करत भावना व्यक्त केल्या आहेत.

शत्रुघ्न सिन्हा यांनी धर्मेंद्र यांच्या आठवणीत अनेक फोटो शेअर केले आहेत. ते लिहितात, "दिल्लीवरुन परत आल्यानंतर अत्यंत जड अंत:करणाने मी माझा प्रिय मित्र, मोठा भाऊ धर्मेंद्र यांच्या घरी पोहोचलो. सनी, बॉबी, त्यांच्या सुंदर पत्नी आणि त्यांचे हँडसम मुलं धरम आणि आर्यमन यांना भेटून भावुक झालो. त्यांच्यासोबत धरमजींच्या आठवणी जाग्या केल्या. ते अमर आहेत आणि लोकांच्या आठवणीत कायमच जिवंत राहतील. या दु:खद प्रसंगी देओल कुटुंबाच्या शांती आणि शक्तीसाठी प्रार्थना केली. ऊँ शांती."

On my return from Delhi, went with a very heavy sorrowful heart to our dearest family friend our elder brother's @aapkadharam
home. It was a heart touching meeting his wonderful sons @iamsunnydeol Bobby Deol @thedeol, his attractive, charming wife Tanya their handsome sons… pic.twitter.com/mNi5NoeSHT

— Shatrughan Sinha (@ShatruganSinha) November 29, 2025

धर्मेंद्र आणि शत्रुघ्न सिन्हा यांनी अनेक सिनेमांमध्ये एकत्र काम केलं. 'कयामत', 'इंसानियत का दुश्मन', 'लोहा', 'आग ही आग', 'गंगा तेरे देश मे', 'शहजादे और जुल्म-ओ-सितम' यासह काही सिनेमे केले. त्यांच्या मैत्रीची कायम मिसाल दिली जायची. आज धर्मेंद्र यांची केवळ आठवणच सर्वांसोबत राहिली आहे.