"धरमजी अमर आहेत...", दिल्लीहून परत येताच शत्रुघ्न सिन्हांनी घेतली देओल कुटुंबाची भेट

By ऑनलाइन लोकमत | Updated: November 30, 2025 09:17 IST2025-11-30T09:17:15+5:302025-11-30T09:17:33+5:30

धर्मेंद्र यांच्यासोबतचे फोटो शेअर करत शत्रुघ्न यांनी जुन्या आठवणी ताज्या केल्या.

shatrughan sinha met dharmendra s family shared old memories with him | "धरमजी अमर आहेत...", दिल्लीहून परत येताच शत्रुघ्न सिन्हांनी घेतली देओल कुटुंबाची भेट

"धरमजी अमर आहेत...", दिल्लीहून परत येताच शत्रुघ्न सिन्हांनी घेतली देओल कुटुंबाची भेट

७०-८० च्या दशकात अमिताभ बच्चन, धर्मेंद्र, शत्रुघ्न सिन्हा, जितेंद्र अशा काही कलाकारांना बोलबाला होता. त्यांचा प्रचंड मोठा चाहतावर्ग होता. धर्मेंद्र यांच्या चार्मिंग लूकवर अनेक अभिनेत्री फिदा होत्या. मोस्ट हँडसम म्हणून त्यांना प्रसिद्धी मिळाली होती. २४ नोव्हेंबर रोजी धर्मेंद्र यांनी जगाचा निरोप घेतला. आपल्या मित्राच्या निधनानंतर अमिताभ बच्चन दु:खी अवस्थेत पोहोचले होते. तर आता शत्रुघ्न सिन्हाही मित्राच्या आठवणीत भावुक झाले आहेत. त्यांनी ट्वीट शेअर करत भावना व्यक्त केल्या आहेत.

शत्रुघ्न सिन्हा यांनी धर्मेंद्र यांच्या आठवणीत अनेक फोटो शेअर केले आहेत. ते लिहितात, "दिल्लीवरुन परत आल्यानंतर अत्यंत जड अंत:करणाने मी माझा प्रिय मित्र, मोठा भाऊ धर्मेंद्र यांच्या घरी पोहोचलो. सनी, बॉबी, त्यांच्या सुंदर पत्नी आणि त्यांचे हँडसम मुलं धरम आणि आर्यमन यांना भेटून भावुक झालो. त्यांच्यासोबत धरमजींच्या आठवणी जाग्या केल्या. ते अमर आहेत आणि लोकांच्या आठवणीत कायमच जिवंत राहतील. या दु:खद प्रसंगी देओल कुटुंबाच्या शांती आणि शक्तीसाठी प्रार्थना केली. ऊँ शांती."

धर्मेंद्र आणि शत्रुघ्न सिन्हा यांनी अनेक सिनेमांमध्ये एकत्र काम केलं. 'कयामत', 'इंसानियत का दुश्मन', 'लोहा', 'आग ही आग', 'गंगा तेरे देश मे', 'शहजादे और जुल्म-ओ-सितम' यासह काही सिनेमे केले. त्यांच्या मैत्रीची कायम मिसाल दिली जायची. आज धर्मेंद्र यांची केवळ आठवणच सर्वांसोबत राहिली आहे. 

Web Title : धरमजी अमर हैं: दिल्ली से लौटने पर शत्रुघ्न सिन्हा ने देओल परिवार से मुलाकात की।

Web Summary : धर्मेंद्र के निधन से दुखी शत्रुघ्न सिन्हा ने मुंबई में उनके परिवार से मुलाकात की। उन्होंने सनी, बॉबी और उनके परिवारों के साथ यादें साझा कीं, और धर्मेंद्र की विरासत पर जोर दिया। सिन्हा ने देओल परिवार के लिए प्रार्थना की।

Web Title : Dharamji is immortal: Shatrughan Sinha visits Deol family after Delhi return.

Web Summary : Shatrughan Sinha, grieving Dharmendra's passing, visited his family in Mumbai. He shared memories with Sunny, Bobby, and their families, emphasizing Dharmendra's lasting legacy. Sinha offered prayers for the Deol family's strength.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.