Rakhi Sawant : राखी सावंतने मल्लिका शेरावतला झापलं, शेफालीच्या मृत्यूच्या एक दिवस आधी बोटोक्सवर शेअर केलेला व्हिडीओ

Rakhi Sawant And Mallika Sherawat: राखी सावंतने मल्लिका शेरावतवर टीका केली आहे आणि म्हटले आहे की जर ती कोणाचे भले करू शकत नसेल तर तिने कोणतेही नुकसान देखील करू नये. शेफालीच्या मृत्यूच्या एका दिवसानंतर मल्लिकाने बोटॉक्सबद्दलचा एक व्हिडिओ शेअर केला होता.

शेफाली जरीवाला(Shefali Jariwala)च्या अचानक झालेल्या मृत्यूने सर्वांनाच धक्का बसला आहे. अभिनेत्रीच्या मृत्यूच्या दुसऱ्याच दिवशी मल्लिका शेरावतने एक व्हिडिओ शेअर केला. यामध्ये ती लोकांना बोटॉक्स आणि फिलरबद्दल काळजी घ्या, असे सांगताना दिसली होती. त्यामुळे तिच्यावर खूप टीका झाली. युजर्सनी मल्लिका शेरावत(Mallika Sherawat)ला खूप फटकारले. अनेकांनी असे म्हटले की हे बोलण्याची ही योग्य वेळ नाही. आता राखी सावंत(Rakhi Sawant)नेही मल्लिकावर निशाणा साधला आहे आणि तिला खूप झापले आहे.

राखी सावंतचं असं म्हणणं आहे की मल्लिका शेरावतने या व्हिडीओद्वारे दिवंगत अभिनेत्री शेफाली जरीवालावर टीका केली आहे. मल्लिकाने २९ जून रोजी एक व्हिडीओ शेअर केला होता, ज्यामध्ये ती नॅचरल सौंदर्याचा प्रचार करताना आणि लोकांना बोटॉक्स आणि फिलरबद्दल सावधगिरी बाळगण्यास सांगताना दिसत होती. परंतु यामुळे मल्लिकावर टीकेची झोड उठली.

राखी सावंत मल्लिकावर संतापली
राखी सावंतला मल्लिका शेरावतची ही पोस्ट आवडली नाही. रिपोर्ट्सनुसार, शेफाली जरीवाला तरुण दिसण्यासाठी व्हिटॅमिन सी आणि ग्लूटाथिओन घेत होती. राखीला वाटले की मल्लिकाने शेफालीला टोमणे मारले आहेत. राखीने तिच्या इंस्टाग्राम अकाउंटवर एक व्हिडिओ शेअर केला. यामध्ये ती म्हणाली, ''मल्लिका शेरावत म्हणाली आहे की मी नॅचरल आहे. बोटॉक्समुळे शेफालीला काहीतरी झाले आहे. आम्हाला माहित नाही. फॉरेन्सिक रिपोर्ट आलेला नाही. काय झाले ते डॉक्टर सांगतील.''

''बहती गंगा में हाथ मत धो मल्लिका शेरावत''
राखी मल्लिकावर रागावली आणि म्हणाली, ''मल्लिका शेरावत, वाहत्या गंगेत हात धुवू नकोस. जर तू कोणाचे भले करू शकत नाहीस तर वाईटही करू नकोस.  'भीगे ओठ तेरा प्यासा दिल मेरा, बहुत राते गुजारी हैं' बराच वेळ घालवून तू अमेरिकेत स्थायिक झाली आहेस.''

राखी सावंतचे लोकांना आवाहन
त्याच व्हिडीओमध्ये राखी सावंत लोकांना भरपूर खा, पण जिमही करा असे आवाहन करताना दिसली. शेफालीसोबत जे घडले त्यामुळे तिला खूप भीती वाटते असे राखीने म्हटले. ती दुबईमध्ये एकटी राहते. राखीने प्रश्न केला की, कोणाला बारीक का व्हावे लागते आणि इतके बारीक का व्हावे लागते की ते एखाद्याचा जीव घेते. ज्याला ते आवडून घ्यायचे आहे तो आहे तसे करून घेईल.

मल्लिका शेरावत व्हिडीओत म्हणाली...
त्याचवेळी, मल्लिका शेरावतने एक व्हिडिओ शेअर केला, ज्यामध्ये ती म्हणत होती, 'मी नुकतीच उठले आणि विचार केला की मी एक सेल्फी व्हिडीओ बनवेन. मी हा व्हिडीओ तुमच्यासोबत शेअर करेन. मी कोणताही फिल्टर वापरला नाही. मी कोणताही मेकअप केलेला नाही. मी माझे केसही विंचरलेले नाहीत. मी हा व्हिडीओ तुमच्या सर्वांसोबत शेअर करत आहे जेणेकरून आपण सर्वजण बोटॉक्स आणि फिलरना नाही म्हणू शकू. निरोगी जीवनशैली स्वीकारा.'