'रेड-२' ची बॉक्स ऑफिसवर धूम! अजय देवगण-रितेश देशमुखच्या सिनेमाने पाच दिवसांत केली 'इतकी' कमाई

बॉक्स ऑफिसवर अजय देवगण-रितेश देशमुखच्या 'रेड-२'चा दबदबा कायम; पाच दिवसांत जमवला 'इतक्या' कोटींचा गल्ला

Raid 2 Box Office Collection Day 5: अभिनेता अजय देवगण (Ajay Devgan)हा त्याच्या अभिनयासह त्याच्या चित्रपटांसाठी ओळखला जातो. सध्या मनोरंजनविश्वात अजय देवगण, रितेश देशमुख (Riteish Deshmukh) आणि वाणी कपूर यांची प्रमुख भूमिका असलेल्या 'रेड-२' सिनेमाची तुफान चर्चा आहे. या सिनेमाची घोषणा झाल्यानंतर प्रेक्षक त्याच्या प्रदर्शनाची मोठ्या आतुरतेने वाट पाहत होते. त्यात आता चित्रपट प्रदर्शित झाल्यानंतर प्रेक्षकांना या चित्रपटाला अक्षरश: डोक्यावर घेतलंय. या चित्रपटाने बॉक्स ऑफिसवर चांगली सुरुवात केली आणि पहिल्या आठवड्यात चांगलं कलेक्शन देखील केलं आहे. त्यात आता 'रेड २' ने रिलीजच्या पाचव्या दिवशी किती कमाई केली ते जाणून घेऊया?

सध्या बॉक्स ऑफिसवर 'भूतनी' हा बॉलिवूड चित्रपट त्याचबरोबरच 'रेट्रो' आणि 'हिट-३' हे दाक्षिणात्य चित्रपट एकाच वेळेस रिलीज झाले आहेत. असं असूनही 'रेड-२' चित्रपटाने बॉक्स ऑफिसवर आपला दबदबा निर्माण केला आहे. या चित्रपटाला प्रेक्षकांचा इतका चांगला प्रतिसाद मिळाला आहे की चित्रपटाने बॉक्स ऑफिसवर फक्त तीन दिवसांत ४८ कोटी रुपयांचं बजेट वसूल केलं आहे. त्यामुळे सध्या 'रेड २' ची बॉक्स ऑफिसवर धूम पाहायला मिळते आहे. या चित्रपटाने अवघ्या पाच दिवसांत त्याच्या बजेटपेक्षा जास्त कमाई केली आहे. सॅकनिल्कच्या रिपोर्टनुसार, या चित्रपटाने पाचव्या दिवशी म्हणजेच सोमवारी ७.७५ कोटी रुपयांचा गल्ला जमवला. त्यामुळे चित्रपटाचं  एकूण कलेक्शन ७९ कोटी इतकं झालं आहे. 

'रेड-२' चित्रपटाचं बॉक्स ऑफिस कलेक्शन

पहिला दिवस- १९.२५ कोटी

दुसरा दिवस- १२ कोटी

तिसरा दिवस-१८ कोटी 

चौथा दिवस- २२ कोटी 

पाचवा दिवस- ७.७५ कोटी 

दरम्यान, 'रेड-२ या सिनेमा दिवसेंदिवस कमाईचे नवे विक्रम रचत आहे. तसेच, हा चित्रपट 2025 चा सर्वाधिक कमाई करणारा चौथा चित्रपट ठरला. 'रेड २' हा सिनेमा २०१८ साली प्रदर्शित झालेल्या 'रेड'चा सीक्वल आहे. या सिनेमात रितेश देशमुख, अजय देवगण, वाणी कपूर, सौरभ शुक्ला यांच्या मुख्य भूमिका आहेत. सिनेमात अजय देवगण अमेय पटनायक या ऑफिसरच्या भूमिकेत पाहायला मिळतोय. तर रितेश देशमुखने खलनायकाचं पात्र साकारलं आहे.