Koffee With Karan 6: करण जोहरने सुटाबुटाच्या किमतीवरून डिवचले! राजकुमार रावने सुनावले!!

करणच्या ‘कॉफी विद करण’ या शोवर लवकरच अभिनेता राजकुमार राव हजेरी लावणार आहे. या एपिसोडचा प्रोमो नुकताच रिलीज झाला आणि हा आगामी एपिसोड चर्चेत आला.

करण जोहरचा ‘कॉफी विद करण’ या चॅट शोचे सहावे सीझन कायम चर्चेत आहे. या शोमध्ये बॉलिवूडचे अनेक सेलिब्रिटी आपल्या खासगी आयुष्याबद्दलचे खुलासे केलेत. यापैकी काही खुलाशांनी वाद निर्माण केला तर काही खुलाशांनी चाहत्यांचे मनोरंजन केले. करणच्या या शोवर लवकरच अभिनेता राजकुमार राव हजेरी लावणार आहे. या एपिसोडचा प्रोमो नुकताच रिलीज झाला आणि हा आगामी एपिसोड चर्चेत आला.
होय, या प्रोमोमध्ये करण जोहर राजकुमारला असे काही डिवचून बोलला की, ते ऐकून अनेकांच्या भुवया उंचावल्या. मग काय, राजकुमारनेही करणला रोखटोक उत्तर दिले. प्रोमोत करण जोहर आपल्या जोड्यांच्या, सूटाच्या किमतीवरून राजकुमारला डिवचतो. माझ्या जोड्यांची किंमत तुझ्या शाळेच्या फीपेक्षा अधिक आहे. माझ्या जॅकेटची किंमत तुझ्या ईएमआयपेक्षा जास्त आहे, असे करण राजकुमारला म्हणतो. यावर राजकुमार आपला हात दाखवत तुला ठाऊक आहे ना, ही इन्कम टॅक्स डिपार्टमेंटची किंमत आहे, असे करणला सुनावतो. साहजिकच राजकुमारच्या या उत्तराने करणची ‘बोलती बंद’ होते.

Next week's flavour of Koffee is completely unconventional. @karanjohar is in conversation with @bhumipednekar and @rajkummarrao. #KoffeeWithKaranpic.twitter.com/V15Tl4ELtV

— Star World (@StarWorldIndia) January 20, 2019

चित्रपटात गे कॅरेक्टर साकारायचे असेल तर तू तुझ्या अपोझिट कुणाला घेशील? असा एक प्रश्नही करण राजकुमारला करतो. यावर राजकुमार अन्य कुणाचे नाही तर करणचेच नाव घेतो. तू ‘बॉम्बे वेल्वेट’नंतर कुठल्याच चित्रपटात अ‍ॅक्टिंग केली नाहीस ना? असा खोचक प्रतिप्रश्न करत राजकुमार दुसऱ्यांदा करणची ‘बोलती बंद’ करतो.

Welcoming two of B-Town's most talented actors to the Koffee couch.😊 Like if you are excited to watch this unconventional pair on #KoffeeWithKaran. #KoffeeWithBhumi#KoffeeWithRajkummarpic.twitter.com/1RRYUnoWpz

— Star World (@StarWorldIndia) January 21, 2019

येत्या रविवारी करण व राजकुमारचा हा एपिसोड आॅन एअर होणार आहे. राजकुमारसोबत भूमी पेडणेकरही या शोमध्ये हजेरी लावणार आहे.
राजकुमारच्या चित्रपटांबद्दल म्हणाल तर लवकरच त्याचा ‘एक लडकी को देखा तो ऐसा लगा’ हा चित्रपट रिलीज होतोय. यात तो सोनम कपूरसोबत स्क्रिन शेअर करताना दिसणार आहे.