विमातळाबाहेरची रांग तोडून थेट पुढे गेली करीना कपूर खान, व्हिडीओ पाहून नेटकऱ्यांनी केलं ट्रोल

करीना कपूर खानला व्हीआयपी ट्रीटमेंट?

अभिनेत्री करीना कपूर खानचा बॉलिवूडमध्ये वेगळा स्वॅग आहे. कायम अॅटिट्यूडमध्ये राहणाऱ्या 'बेबो'चे अनेक व्हिडीओ व्हायरल झाले आहेत. कधी ती डोळे फिरवताना दिसते तर कधी वेगवेगळे एक्सप्रेशन देते. तरी करीनाच्या चाहत्यांची संख्या काही कमी नाही. दरम्यान नुकतीच करीना विमानतळावर आली असता तिथे सिक्युरिटी चेकसाठी लोकांची रांग होती. मात्र करीना रांग तोडून थेट पुढे जाऊन उभी राहिली. तिचा व्हिडीओ आता व्हायरल होत असून तिला ट्रोल करण्यात येत आहे.

व्हायरल व्हिडीओमध्ये करीना कपूर पीच रंगाच्या सलवार सूटमध्ये दिसत आहे. तिने डोळ्यावर डार्क गॉगल घातला आहे. कारमधून उतरत ती विमानतळावर दाखल झाली. तिथए सिक्युरिटी चेकवर लोकांची मोठा रांग होती. मात्र करीनासाठी रांग बाजूला केली गेली आणि तिला थेट पुढे सोडण्यात आलं. यावेळी रांगेतील लोक बघतच राहिले. सुरक्षारक्षकाने तिचा पासपोर्ट, आयडी तपासलं आणि तिला आत जाऊ दिलं. करीनाने नियम तोडल्यामुळे आता तिला ट्रोल केलं जात आहे.

Kareena Kapoor broke the line at the airport and straight away moved to the gate.

Why do celebrities get to do that? Who gave them this entitlement?

Other people who are waiting at the airport also have urgent flights to catch, It's not fair to everyone. pic.twitter.com/IQ6sm1jXZp

— Sachya (@sachya2002) April 12, 2026

व्हिडीओवर नेटकऱ्यांच्या अनेक कमेंट्स आल्या आहेत. 'सेलिब्रिटींना रांग तोडून पुढे जाण्याचा अधिकार कोणी दिला? इतर लोक रांगेत उभे राहून वाट पाहत आहेत जेव्हा की त्यांचीही अर्जंट फ्लाईट आहे. हे अजिबात बरोबर नाही'. तर आणखी एकाने लिहिले, 'भारतात व्हिआयपी आणि सामान्य लोक यांच्यातील भेदभाव वाढतच चालला आहे'. तर काही नेटकऱ्यांनी करीनाची बाजू घेतली आहे. 'सेलिब्रिटींना पाहून लोकांची उगाच गर्दी होण्याची शक्यता असते त्यापेक्षा त्यांना आधीच जाऊ दिलेलं चांगलं' अशी कमेंट एकाने केली आहे.

करीना कपूर खान लवकरच मेघना गुलजारच्या 'दायरा' सिनेमात दिसणार आहे. यामध्ये ती पृथ्वीराज सुकुमारनसोबत स्क्रीन शेअर करणार आहे. सिनेमा कधी रिलीज होणार याबद्दल अजून माहिती समोर आलेली नाही.