"ते नाही तर त्यांचं शरीर...", शेवटच्या क्षणी धर्मेंद्र यांना भेटायला गेलेले मुकेश खन्ना, सनी-बॉबीसोबत झालं होतं हे बोलणं

By ऑनलाइन लोकमत | Updated: November 29, 2025 14:20 IST2025-11-29T14:18:26+5:302025-11-29T14:20:14+5:30

Actor Dharmendra : अभिनेते धर्मेंद्र यांचे २४ नोव्हेंबर रोजी ८९व्या वर्षी निधन झाले. अखेरच्या दिवसांमध्ये त्यांना रुग्णालयातून रजा देऊन घरीच देखरेखीखाली ठेवण्यात आले होते. अनेक सेलिब्रिटी त्यांना भेटण्यासाठी घरीही गेले होते. यापैकी एक होते अभिनेते मुकेश खन्ना ज्यांनी अभिनेत्यासोबतच्या त्यांच्या शेवटच्या भेटीची आठवण सांगितली.

"It's not him, it's his body...", Mukesh Khanna, who went to meet Dharmendra at the last minute, talks about what happened with Sunny-Bobby | "ते नाही तर त्यांचं शरीर...", शेवटच्या क्षणी धर्मेंद्र यांना भेटायला गेलेले मुकेश खन्ना, सनी-बॉबीसोबत झालं होतं हे बोलणं

"ते नाही तर त्यांचं शरीर...", शेवटच्या क्षणी धर्मेंद्र यांना भेटायला गेलेले मुकेश खन्ना, सनी-बॉबीसोबत झालं होतं हे बोलणं

बॉलिवूडचे दिग्गज कलाकार धर्मेंद्र (Actor Dharmendra) यांच्या निधनामुळे सिनेइंडस्ट्रीवर शोककळा पसरली आहे. अभिनेते धर्मेंद्र यांचे २४ नोव्हेंबर रोजी ८९व्या वर्षी निधन झाले. गेल्या काही दिवसांपूर्वी जेव्हा धर्मेंद्र यांना रुग्णालयात दाखल करण्यात आले होते, तेव्हापासूनच लोकांमध्ये त्यांच्याबद्दल विशेष काळजी होती. अखेरच्या दिवसांमध्ये अभिनेत्याला रुग्णालयातून रजा देऊन घरीच देखरेखीखाली ठेवण्यात आले होते. अनेक सेलिब्रिटी त्यांना भेटण्यासाठी घरीही गेले होते. यापैकी एक होते अभिनेते मुकेश खन्ना, ज्यांनी अभिनेत्यासोबतच्या त्यांच्या शेवटच्या भेटीची आठवण सांगितली.

मुकेश खन्ना यांनी सांगितले की, धर्मेंद्र यांच्यासाठी घरामध्ये आयसीयूसारखे सेटअप तयार करण्यात आले होते आणि सर्वांना आशा होती की ते लवकरच बरे होऊन परत येतील. नुकतेच मुकेश यांनी त्यांच्या युट्यूब चॅनेलवर एक व्हिडीओ शेअर केला, ज्यात त्यांनी धर्मेंद्र यांच्या आठवणींना उजाळा दिला आणि रुग्णालयातून डिस्चार्ज मिळाल्यानंतर लगेचच घरी धर्मेंद्र यांच्यासोबत झालेल्या त्यांच्या शेवटच्या भेटीची आठवण करून दिली.

"त्यांची आत्मा खूप सुंदर होती"

मुकेश खन्ना म्हणाले, "मी पाच-सहा दिवसांपूर्वीच त्यांच्या घरी गेलो होतो, जेव्हा त्यांना रुग्णालयातून परत आणले होते. त्यांनी घरामध्येच आयसीयूसारखी व्यवस्था केली होती. मला माहीत होते की, मी त्यांना नीट भेटू शकणार नाही, पण तरीही मला वाटले की जाणे आवश्यक आहे." या दरम्यान त्यांची भेट सनी देओल आणि बॉबी देओल यांच्याशीही झाली. मुकेश खन्ना म्हणाले की, "मी त्यांना म्हणालो, 'ते खूप स्ट्रॉन्ग आहेत. ते लवकरच यातून बाहेर येतील.' पण शेवटी, देवाला जे हवे असते, तेच होते. लोक चकीत झाले होते, कारण सर्वांना वाटत होते की ते बरे होण्यासाठी खूप मजबूत आहेत. ते नाही, तर त्यांचे शरीर हरले होते. त्यांची आत्मा खूप सुंदर होती."

Web Title : मुकेश खन्ना को धर्मेंद्र के साथ अंतिम मुलाकात याद, सनी-बॉबी से हुई बात।

Web Summary : मुकेश खन्ना ने 89 वर्ष की आयु में निधन हुए धर्मेंद्र के साथ अपनी अंतिम मुलाकात की यादें साझा कीं। खन्ना को अपनी यात्रा के दौरान धर्मेंद्र मजबूत लगे, लेकिन अंततः शरीर लड़ाई हार गया। उन्होंने सनी और बॉबी देओल से भी बात की।

Web Title : Mukesh Khanna recalls last meeting with Dharmendra, talks with Sunny-Bobby.

Web Summary : Mukesh Khanna shared memories of his last visit with Dharmendra, who passed away at 89. Khanna found Dharmendra strong during his visit, but the body ultimately lost the battle. He also spoke with Sunny and Bobby Deol.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.