सिनेप्रेमींना पर्वणी! हृतिक रोशनचा 'वॉर २' सिनेमा किती तासांचा असणार? समोर आली मोठी माहिती

'वॉर २' सिनेमाची लांबी समोर आली आहे. हा सिनेमा किती मिनिटांचा असणार? जाणून घ्या

हृतिक रोशन आणि ज्युनिअर एनटीआर यांचा बहुचर्चित अ‍ॅक्शन चित्रपट ‘वॉर २’ लवकरच प्रेक्षकांच्या भेटीला येणार आहे. सध्या या चित्रपटाला सेन्सॉर बोर्डाचं (CBFC) प्रमाणपत्र मिळण्यासाठी प्रक्रिया सुरू आहे. चित्रपटाची अंतिम आवृत्ती बोर्डाकडे पाठवण्यात आली असून लवकरच त्याला प्रमाणपत्र मिळण्याची शक्यता आहे. दरम्यान ‘वॉर २’ किती वेळाचा असणार याविषयी खुलासा झाला आहे. त्यामुळे सिनेरसिकांना पर्वणी मिळणार, यात शंका नाही.

‘वॉर २’ किती लांबीचा असणार?

‘वॉर २’ चा एकूण वेळ (रनटाइम) तब्बल २ तास ५० मिनिटांचा आहे. या चित्रपटाचं दिग्दर्शन अयान मुखर्जीने केलं आहे, ज्यांनी यापूर्वी ‘ये जवानी है दीवानी’ आणि ‘ब्रह्मास्त्र’ सारखे चित्रपट दिग्दर्शित केले आहेत. या चित्रपटात हृतिक रोशन पुन्हा एकदा ‘कबीर’ या भूमिकेत दिसणार आहे. त्याच्यासोबत तेलुगू सुपरस्टार ज्युनिअर एनटीआरही एका महत्त्वाच्या भूमिकेत झळकणार आहे. त्यांच्या एकत्रित कामामुळे प्रेक्षकांमध्ये मोठी उत्सुकता निर्माण झाली आहे.

‘वॉर २' हा ‘यशराज फिल्म्स’च्या स्पाय युनिव्हर्सचा सहावा भाग आहे. याआधी ‘वॉर’, ‘पठाण’ आणि ‘टायगर ३’ हे चित्रपट या मालिकेत आले आहेत. त्यामुळे ‘वॉर २’ कडून प्रेक्षकांची अपेक्षा खूप वाढली आहे. चित्रपटात भरपूर अ‍ॅक्शन, मोठे स्टंट आणि दमदार कथा पाहायला मिळणार असल्याचं सांगितलं जात आहे. चित्रपटाची रिलीज डेट अजून जाहीर झालेली नाही, पण तो २०२५ च्या सुरुवातीस चित्रपटगृहात येण्याची शक्यता आहे.