विकी कौशलच्या मोबाईल वॉलपेपरवर कतरिनाच्या बालपणीचा क्युट फोटो, चाहते करताहेत कौतुक

Katrina Kaif : बॉलिवूड अभिनेत्री कतरिना कैफचे बालपणीचे फोटो सोशल मीडियावर पाहायला मिळत आहे. पण असा एक फोटो आहे जो आतापर्यंत सोशल मीडियावर पाहायला मिळालेला नाही.

बॉलिवूड अभिनेत्री कतरिना कैफ(Katrina Kaif)चे बालपणीचे फोटो सोशल मीडियावर पाहायला मिळत आहे. पण असा एक फोटो आहे जो आतापर्यंत सोशल मीडियावर पाहायला मिळालेला नाही. विशेष बाब म्हणजे सॅम बहादूर अभिनेता विकी कौशल(Vicky Kaushal)ने हा फोटो सोशल मीडियावर नाही तर त्याच्या मोबाईल वॉलपेपरवर ठेवला आहे. हा गोंडस फोटो पाहून चाहते म्हणत आहेत की अभिनेत्रीने स्वतःसाठी योग्य माणूस निवडला आहे.

GQ च्या एका सेशनदरम्यान, 'विकी कौशल कोणत्या गोष्टींशिवाय जगू शकत नाही?' असे विचारले असता, अभिनेता म्हणाला, फोन हा त्याच्या आयुष्याचा खूप महत्त्वाचा भाग आहे. तुमचा दिवस त्याने सुरू होतो आणि त्यानेच संपतो आणि तो नेहमी तुमच्यासोबत राहतो. आपण अशा काळात आहोत जिथे तुम्ही फोनशिवाय जीवनाचा विचार करू शकत नाही. यानंतर, तो काही सेकंदांसाठी त्याच्या फोनची स्क्रीन दाखवतो, ज्यामध्ये कतरिना कैफचा बालपणीचा एक क्युट फोटो पाहायला मिळतो आहे.

Spot #KatrinaKaif in the video pic.twitter.com/QjUmUJeVSH

— GQ India (@gqindia) February 28, 2024

फोटोमध्ये कतरिना कैफ दोन पोनीटेलमध्ये असून ती हसताना दिसत आहे. अभिनेत्याच्या या क्यूट व्हिडिओवर चाहते प्रतिक्रिया देताना दिसत आहेत. एका यूजरने लिहिले की, बेबी कतरिना खूप क्यूट आहे. या दोघांची मुलंही खूप गोंडस असतील. दुसऱ्या युजरने लिहिले, हे खूप क्यूट आहे, जर माझ्या पतीनेही असे केले तर ते खूप गोंडस होईल.

Katrina's Childhood picture is Vicky's Phone wallpaper 😭😭❤️❤️🥺🥺 brb crying. pic.twitter.com/rZkxx3j6mP

— Sats (@JustSatss) February 28, 2024

या सेगमेंटदरम्यान विकी कौशलने कतरिना कैफला त्याचं घर म्हटलं. त्याने जीक्यूला सांगितले की, मला वाटायचे की ज्या दिवशी मी त्या व्यक्तीला भेटेन ज्याच्यासोबत मी तासनतास शांत बसू शकेन आणि ती शांतता जाणवणार नाही, तेच माझे प्रेम असेल. कतरिनाच्या बाबतीतही हीच भावना आहे. ती घरी आहे आमच्या डेटिंगच्या सुरुवातीच्या दिवसांपासून, आम्ही जेव्हाही भेटायचो तेव्हा एक उत्साह असायचा आणि आता, लग्नाच्या अडीच वर्षानंतरही ती भावना बदललेली नाही. मी अशी व्यक्ती आहे जो कधीही रोमँटिक नव्हता. पण तिने मला बनवले आहे. विकी कौशल आणि कतरिना कैफ यांचे राजस्थानमध्ये २०२१ मध्ये शाही लग्न झाले होते.