बॉलिवूडची ही अभिनेत्री लवकरच बांधणार लग्नगाठ?, नातं कन्फर्म करत म्हणाली-"आता मी खूप खूश आहे..."

बॉलिवूडची ही अभिनेत्री तिच्या नात्यामुळे सध्या चर्चेत आली आहे.

अभिनेत्री तारा सुतारिया (Tara Sutaria) तिच्या नात्यामुळे सध्या चर्चेत आहे. 'स्काय फोर्स' चित्रपटातून पदार्पण करणाऱ्या अभिनेता वीर पहाडिया(Veer Pahariya)सोबत या अभिनेत्रीचे नाव जोडले जात आहे. दोघेही अनेक वेळा एकत्र दिसले होते, त्यानंतर तारा आणि वीर डेटिंग करत असल्याची चर्चा आहे. अलीकडेच, अभिनेत्रीने रणवीर अलाहाबादियाशी बोलताना तिच्या नात्यावरील मौन सोडले. 'स्टुडंट ऑफ द इयर २' फेम अभिनेत्री तारा सुतारियाने तिच्या नात्याची पुष्टी केली आणि सांगितले की ती तिच्या नात्यात खूप आनंदी आहे. मात्र, तिने वीर पहाडियाचे नाव घेतले नाही. 

तिच्या कथित नात्याला दुजोरा देत तारा सुतारिया म्हणाली, ''मी सध्या खूप आनंदी आहे. मी एका चांगल्या स्थितीत आहे जिथे मला खूप आनंद होत आहे. हे चौधवीं का चांद व्हाइब्स आहेत.'' रॅम्प वॉक दरम्यान तारा सुतारियाने वीर पहाडियाला फ्लाइंग किस दिल्याने या जोडप्याच्या नात्याची चर्चा अधिकच वाढली. अभिनेत्री अलीकडेच एपी ढिल्लनसोबत एका म्युझिक अल्बममध्ये दिसली होती, ज्याच्या फोटोवर वीरच्या कमेंटने सर्वांचे लक्ष वेधून घेतले होते.

ताराने आधार जैनसोबतच्या ब्रेकअपवर सोडलं मौन 
एक्स बॉयफ्रेंड आधार जैनसोबतच्या ब्रेकअपबद्दल बोलताना तारा म्हणाली की, ''मला वाटतं मी स्वतःलाही ओळखत होते. आपण सर्व जण जसे २० च्या दशकात असतो, तसेच २० च्या दशकात तुलाही खूप काही समजते. मला खात्री नाही की, मी म्हणू शकते की चुका झाल्या होत्या.'' ती पुढे म्हणते, ''जर मी स्वतःबद्दल बोलले तर मला खात्री नाही की चुका झाल्या होत्या. माझ्या २० च्या दशकात मी जे काही केले त्याचा मला अभिमान आहे आणि मी दररोज मोठ्या सन्मानाने झोपते. मी वैयक्तिक आणि व्यावसायिकदृष्ट्या काय केले हे मला माहिती आहे.''

आदर जैन ताराला म्हटलेलं 'टाईमपास' 
तारा सुतारिया आणि आधार जैन बराच काळ डेट करत होते. अभिनेत्री करीना कपूरच्या चुलत बहिणीसोबत तिच्या फॅमिली लंचमध्येही दिसली होती. पण अनेक वर्षे एकत्र राहिल्यानंतर, हे जोडपे वेगळे झाले आणि आधार जैनने या वर्षी आलेखा अडवाणीशी लग्न केले. लग्नादरम्यान, अभिनेत्याने तारा सुतारियाबद्दल टाईमपास अशी कमेंट केली होती, ज्यामुळे सोशल मीडियावर त्यांच्यावर जोरदार टीका झाली होती.