'धुरंधर' सोबत होणारी स्पर्धा टाळण्यासाठी 'धमाल-४' ची तारीख बदलली? आता 'या' दिवशी होणार रिलीज 

ठरलं!'या' दिवशी प्रदर्शित होणार अजय देवगणचा 'धमाल-४', कधी अन् कुठे पाहाल?

Dhamaal 4 Movie: बॉलिवूडमधील 'धमाल' या कॉमेडी फ्रॅंचायजीचा चाहतावर्ग कमालीचा मोठा आहे.  पहिल्या तीन भागांच्या यशानंतर आता धमालचा चौथा भाग लवकरच प्रेक्षकांच्या भेटीला येत आहे. अजय देवगण, रितेश देशमुख, अर्शद वारसी आणि जावेद जाफरी हे कलाकार या चित्रपटाच्या माध्यमातून प्रेक्षकांना खळखळून हसवायला सज्ज झाले आहेत.गेल्या काही वर्षांपासून या सिनेमाबाबत चर्चा सुरू होत्या, अशातच आता निर्मात्यांनी धमाल-४ चित्रपटाची प्रदर्शनाची तारीख जाहीर केली आहे. त्यामुळे प्रेक्षक देखील प्रचंड उत्सुक आहेत.

नुकतीच टी-सीरीजने आपल्या अधिकृत इन्स्टाग्राम अकाउंटवर एक नवीन पोस्ट शेअर करण्यात आली आहे. या पोस्टच्या कॅप्शनमध्ये त्यांनी लिहिलंय की, धमाल टाइम्स ब्रेकिंग न्यूज... 'धमाल ४' १२ जून, २०२६ रोजी चित्रपटगृहांमध्ये प्रदर्शित होणार आहे. 
अब धमाल बोला है तो करना ही पड़ेगा. जुड़े रहें!या चित्रपटाच दिग्दर्शन इंद्र कुमार यांनी केलं आहे. 

दरम्यान, धमाल-४ हा चित्रपट सुरुवातीला २०२६ च्या ईदला प्रदर्शित होणार होता. मात्र, रणवीर सिंगच्या 'धुरंधर २' आणि यशच्या 'टॉक्सिक' या चित्रपटांशी होणारी स्पर्धा टाळण्यासाठी हा निर्णय घेण्यात आल्याच्या चर्चा सुरु झाल्या होत्या. त्यानंतर आता पुन्हा चित्रपटाची नवीन तारीख समोर आली आहे. या चित्रपटात अजय देवगण, रितेश देशमुख, अर्शद वारसी, संजय मिश्रा आणि जावेद जाफरी यांच्यासह ईशा गुप्ता, संजीदा शेख, अंजली आनंद, उपेंद्र लिमये, विजय पाटकर आणि रवी किशन यांच्याही भूमिका आहेत.