T20 World Cup 2024 Warm-Up Match : २ जूनपासून सुरू होणाऱ्या ट्वेंटी-२० विश्वचषकाआधी भारतीय संघ बांगलादेशविरूद्ध सराव सामना खेळणार आहे. आयसीसीने सराव सामन्यांचे वेळापत्रक जाहीर केले असून पाकिस्तानचा एकही सामना होणार नाही. शेजारील देश थेट भारताविरूद्ध ९ तारखेला सामना खेळेल. विश्वचषकाआधी पाकिस्तान आणि इंग्लंड यांच्यात ट्वेंटी-२० मालिका होत असल्याने हे संघ सराव सामने खेळणार नाहीत. २७ मे पासून सराव सामने खेळवले जातील. यातील सलामीचा सामना कॅनडा आणि नेपाळ यांच्यात होईल. भारतीय संघ अमेरिकेत १ जून रोजी बांगलादेशविरूद्ध सराव सामना खेळेल.
पाकिस्तानी संघ मायदेशात ट्वेंटी-२० विश्वचषकापूर्वी इंग्लंडविरूद्ध चार सामन्यांची ट्वेंटी-२० मालिका खेळणार आहे. ही मालिकाच दोन्हीही संघांसाठी विश्वचषकाची तयारी असेल यात शंका नाही. २२ मे ते ३० तारखेदरम्यान पाकिस्तान-इंग्लंड मालिका पार पडेल, तर २७ ते १ जूनदरम्यान विश्वचषकाचे सराव सामने खेळवले जातील. द्विपक्षीय मालिकेमुळे पाकिस्तान आणि इंग्लंड यांना एकही सराव सामना खेळता येणार नाही.
ट्वेंटी-२० विश्वचषकातील सराव सामने -
२७ मे -
कॅनडा विरूद्ध नेपाळ
ओमान विरूद्ध पापुआ न्यूगिनी
नामिबिया विरूद्ध युंगाडा
२८ मे -
श्रीलंका विरूद्ध नेदरलँड्स
बांगलादेश विरूद्ध अमेरिका
ऑस्ट्रेलिया विरूद्ध नामिबिया
२९ मे -
दक्षिण आफ्रिका विरूद्ध इंट्रा-स्क्वाड
अफगाणिस्तान विरूद्ध ओमान
३० मे -
नेपाळ विरूद्ध अमेरिका
स्कॉटलंड विरूद्ध युगांडा
नेदलँड्स विरूद्ध कॅनडा
नामिबिया विरूद्ध पापुआ न्यू गिनी
वेस्ट इंडिज विरूद्ध ऑस्ट्रेलिया
३१ मे -
आयर्लंड विरूद्ध श्रीलंका
स्कॉटलंड विरूद्ध अफगाणिस्तान
१ जून -
बांगलादेश विरूद्ध भारत
विश्वचषकासाठी पात्र ठरलेले संघ -
अमेरिका, वेस्ट इंडिज, ऑस्ट्रेलिया, इंग्लंड, भारत, नेदरलँड्स, न्यूझीलंड, पाकिस्तान, दक्षिण आफ्रिका, श्रीलंका, अफगाणिस्तान, बांगलादेश, आयर्लंड, स्कॉटलंड, पापुआ न्यू गिनी, कॅनडा, नेपाळ, ओमान, नामिबिया, युगांडा.
विश्वचषकासाठी चार गट -
अ - भारत, पाकिस्तान, आयर्लंड, कॅनडा, अमेरिका
ब - इंग्लंड, ऑस्ट्रेलिया, नामिबिया, स्कॉटलंड, ओमान
क - न्यूझीलंड, वेस्ट इंडिज, अफगाणिस्तान, युगांडा, पापुआ न्यू गिनी
ड - दक्षिण आफ्रिका, श्रीलंका, बांगलादेश, नेदरलँड्स, नेपाळ
Web Title: T20 World Cup 2024 Warm-Up Match schedule India will play their warm up match against Bangladesh on 1st June
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
