गंजो की महफिल में आपका स्वागत...! अनुपम खेर यांनी घेतली कपिल देव यांची मजा

कपिल देव यांचा नवा लूक पाहून सगळेच अवाक्

ठळक मुद्दे नेटकरीही कपिल देव यांच्या या नव्या लूकवर फिदा झाले आहेत. 

लॉकडाऊनदरम्यान सगळे काही बंद आहे. 3 मे पर्यंत भारतात हीच स्थिती असणार आहे. या काळात जीवनावश्यक वस्तू मिळत असल्या तरी काही गोष्टींमुळे मात्र लोक नक्कीच वैतागले आहेत. यातलीच एक म्हणजे, वाढलेले केस. होय, न्हाव्याची दुकाने, सलून बंद असल्याने अनेकांची पंचाईत झाली आहे. दिग्गज ऑलराऊंडर आणि 1983 मध्ये विश्वविजेत्या भारतीय क्रिकेट टीमचे कर्णधार राहिलेले कपिल देव यांचीही अशीच पंचाईत झाली. मग काय, त्यांनी थेट केसांचे मुंडण केले. त्यांचा नवा लूक पाहून सगळेच अवाक् झाले. कपिल देव यांनी आपल्या नव्या लूकचा फोटो सोशल मीडियावर शेअर करताच, अभिनेते अनुपम खेर त्यांची मजा घेताना दिसले.

So my dear friend @therealkapildev has also gone bald, fashionably also referred as “shaved”. I have always said that there are two kinds of men in this world - Baldies and Future Baldies. Welcome to the club Sir!! गंजो की महफ़िल में आपका “बालों रहित” स्वागत है। 🙏🤓😍 pic.twitter.com/lLQxvLcdhE

— Anupam Kher (@AnupamPKher) April 21, 2020

कपिल देव यांचा हेड शेव्ड फोटो पाहून अनुपम स्वत:ला रोखू शकले नाहीत. कपिल देव यांना टॅग करत, त्यांनी मजेदार कमेंट लिहिली. ‘माझे मित्र कपिल देव सुद्धा टकलू झालेत.  फॅशनच्या दुनियेत याला ‘शेव्ड’ म्हटले जाते. मी नेहमी म्हणत आलोय की, या जगात दोन प्रकारचे पुरूष आहेत. एक म्हणजे टकलू आणि भविष्यातील टकलू. क्लबमध्ये तुमचे स्वागत आहे सर... गंजो की महफिल में आपका ‘बालों रहित’ स्वागत है,’ असे अनुपम यांनी लिहिले.
तूर्तास कपिल देव यांच्या नव्या लूकचा फोटो आणि त्यावरची अनुपम खेर यांचे हे ट्विट तुफान व्हायरल होत आहे.

सोशल मीडियावर कमेंटचा पाऊस
 नेटकरीही कपिल देव यांच्या या नव्या लूकवर फिदा झाले आहेत. अनेकांनी मजेशीर कमेंट दिल्या आहेत. काहींनी कपिल देव यांची तुलना थेट बाहुबलीतील कटप्पाशी केली आहे तर काहींनी त्यांची तुलना ‘वेलकम’ चित्रपटातील फिरोज खान यांच्याशी केली आहे.