Kalyan Dombivli Municipal Election 2026 Marathi News | कल्याण डोंबिवली महापालिका निवडणूक निकाल २०२६ मराठी बातम्या | KDMC Election Results 2026 Latest News & Live Updates in Marathi | KDMC Election 2026 Winners List | Kalyan Dombivli Mahanagar Palika Nikal 2026 | केडीएमसी निवडणूक निकाल २०२६

"स्थानिक परिस्थिती काय आहे, हे मला माहिती नाही. स्थानिक स्वराज्य संस्थांच्या निवडणुकीत स्थानिक लोक असतात. ते आघाडी युती करतात. निशाणीमध्ये चर्चा वाटाघाटी होतात. माजी आमदार राजू पाटील आमचे नेते आहेत. त्यांनी अंतर्गत तडजोड केली असावी", असे सांगत मनसेचे नेते बाळा नांदगावकर यांनी एक मोठं विधान केले. महापालिका निवडणुकीचे निकाल लागल्यानंतर राजकीय पक्षांची अनेक ठिकाणी कसोटी लागली आहे. अनेक महापालिकांमध्ये त्रिशंकू अवस्था झाली आहे. तर काही ठिकाणी प्रत्येक पक्ष इतर छोट्या पक्षांना सोबत घेऊन सत्ता स्थापनेचे प्रयत्न करताना दिसत आहेत. त्यातच कल्याण डोंबिवली महापालिकेत नवे राजकीय समीकरण जुळून आले आहे. शिंदेसेनेला मनसेने पाठिंबा दिला आहे. याच मुद्द्यावर बोलताना मनसेचे नेते बाळा नांदगावकर म्हणाले, "सगळीकडे असेच चित्र दिसत असते. वाजपेयी पंतप्रधान झाले होते, तेव्हा शतप्रतिशत नारा त्यांनी दिला होता. हल्ली अनेक पक्ष हा नारा देतात. आता तिकडे स्थानिक ठिकाणी काही बिनसले असेल, तर माहिती नाही. कल्याण डोंबिवलीत भाजपा-शिवसेनेचे बिनसले असावे. त्यामुळे तडजोडी झाल्या असाव्यात. काही गोष्टी पडद्यामागे चालत असतात, तेव्हा काही बोलायच्या नसतात", असे सूचक विधान बाळा नांदगावकर यांनी केले. नांदगावकर म्हणाले, "भविष्यात काहीही होऊ शकते" "उद्धव ठाकरे आणि राज ठाकरे राजकारणामध्ये नवीन नाहीत. राजकारणात कधीही काहीही होऊ शकते. कोणीही मित्र वा शत्रू नसतो. कोणतीही गोष्ट करताना नकारात्मक बघून चालत नाही. मुंबईकरांचे आभार मानतो. आमच्या पक्षाचे नुकसान अधिक झाले, हे मान्य करतो. मात्र, तडजोडी होत असतात. भविष्यात कोण कोणाची मदत घेईल, काहीही होऊ शकते", असे भुवया उंचावणारे विधान बाळा नांदगावकर यांनी केले. कल्याण डोंबिवली महापालिकेत मनसेचे पाच नगरसेवक विजयी झाले आहेत. त्यांनी शिंदेसेनेला पाठिंबा जाहीर केला आहे. शिंदेसेनेचे महापालिकेत ५३ नगरसेवक निवडून आले आहेत.

Kalyan Dombivli Municipal Election Results 2026 | कल्याण डोंबिवली महानगरपालिका निवडणूक निकाल २०२६, मराठी बातम्याFOLLOW

Kalyan dombivli municipal corporation election, Latest Marathi News

कल्याण डोंबिवली :चालू घडामोडीवरून ठाकरे बंधूमध्ये विसंवाद; निवडणूक होताच वेगळ्या दिशेने वाटचाल

ठाकरे बंधूंची वाटचाल वेगवेगळ्या दिशेने सुरू झाल्याची चर्चा राजकीय वर्तुळात रंगली आहे. ...

कल्याण डोंबिवली :"शिंदेंसोबतच जायचं होतं, तर आमच्याशी युती कशाला केली?" संजय राऊत मनसे नेत्यांवर संतापले

कल्याण डोंबिवलीत शिंदेसेनेसोबत झालेल्या युतीवरुन संजय राऊत यांनी मनसेवर टीकास्त्र डागलं आहे. ...

कल्याण डोंबिवली :‘केडीएमसी’मध्ये भाजप युतीवर ठाम! भाजपचे प्रदेशाध्यक्ष दिल्लीला रवाना

महाराष्ट्र :महापौरपदासाठी वाट्टेल ते..! महापालिकेत सत्तेचा ‘बाजार’, मनसेचा शिंदेसेनेला पाठिंबा

मुंबई :गटात नाव आले की ‘पक्षांतर बंदी’ लागू, गटप्रमुखाच्या आदेशाविरुद्ध गेल्यास नगरसेवकपद जाऊ शकते

विभागीय आयुक्तांकडे नोंदणी करावीच लागेल ...

ठाणे :"भविष्यात कोण कोणाची मदत घेईल, काहीही होऊ शकते", शिंदेसेनेला पाठिंबा दिल्यानंतर बाळा नांदगावकरांचं विधान