हाय हाय मिरची! सिमला मिरचीच्या भाजीच्या ५ रेसिपी- ढोबळी मिरची इतकी स्वादिष्ट की रोज खाव

5 capsicum recipes so tasty you’ll want to eat them every day, must try recipe : सिमला मिरचीची भाजी करण्याच्या विविध रेसिपी.

सिमला मिरची ही चविष्ट, पौष्टिक आणि पटकन होणारी भाजी असल्यामुळे स्वयंपाकघरात तिचे अनेक प्रकार केले जातात. रोजच्या जेवणात थोडा बदल हवा असेल तर या पाच वेगवेगळ्या पद्धतीने सिमला मिरचीची भाजी करुन पाहा.

पहिली म्हणजे पीठ पेरून केलेली सिमला मिरची. कापलेली सिमला मिरची फोडणी देऊन परतून घ्यायची आणि शेवटी त्यावर थोडं बेसन पेरायचं. यामुळे भाजीला छान कुरकुरीत टेक्स्चर येतं आणि चवही वाढते. साधी पण खूप रुचकर अशी ही भाजी असते.

दुसरी म्हणजे परतून केलेली सिमला मिरची. यामध्ये कांदा, लसूण, हिरवी मिरची घालून सिमला मिरची छान परतून घेतली जाते. हलके मसाले वापरल्यामुळे भाजीचा नैसर्गिक स्वाद टिकून राहतो. ही भाजी पोळी किंवा भातासोबत छान लागते.

तिसरी पद्धत म्हणजे बटाटा घालून सिमला मिरची. बटाट्याच्या तुकड्यांसोबत सिमला मिरची शिजवल्याने भाजी अधिक पोटभर आणि चविष्ट होते. हळद, तिखट, धने-जिरे पूड यांसारखे मसाले घातल्यास याला पारंपरिक चव येते. लहान मुलेही आवडीने खातात.

चौथी म्हणजे भरली सिमला मिरची. सिमला मिरचीमध्ये मसालेदार सारण भरून ती मंद आचेवर शिजवली जाते. खोबरे, शेंगदाणे, मसाले यांचं मिश्रण भरल्यामुळे ही भाजी खास चवीची होते. नक्की करुन पाहा.

पाचवी आणि वेगळी पद्धत म्हणजे सिमला मिरची-टोमॅटो भाजी. यामध्ये सिमला मिरचीसोबत टोमॅटो घातल्यामुळे थोडी आंबट-गोड चव लागते. थोडासा गोडवा आणि मसाल्याचा संतुलित वापर यामुळे ही भाजी खूपच वेगळी आणि चवदार लागते.