राहुल गांधी-अखिलेश यादव यांच्या पक्षाला किती जागा मिळतील? अमित शाहंनी केली भविष्यवाणी
By ऑनलाइन लोकमत | Published: May 27, 2024 02:45 PM2024-05-27T14:45:48+5:302024-05-27T14:46:20+5:30
Amit Shah Kushinagar Rally: "भाजप आणि एनडीएचा विजय निश्चित आहे. 4 जूनला दुपारी विरोधक पराभवाचे खापर EVM वर फोडतील.
राहुल गांधी-अखिलेश यादव यांच्या पक्षाला किती जागा मिळतील? अमित शाहंनी केली भविष्यवाणी
Amit Shah Kushinagar Rally: लोकसभा निवडणूक अंतिम टप्प्यात आली आहे. येत्या 1 जून रोजी शेवटच्या टप्प्यातील मतदान होणार आहे. यासाठी सर्वच पक्षांनी प्रचाराचा जोर वाढवला आहे. दरम्यान, केंद्रीय गृहमंत्री अमित शाह यांनी उत्तर प्रदेशातील कुशीनगर येथे जाहीर सभा घेतली. यावेळी त्यांनी काँग्रेस आणि समाजवादी पक्षावर जोरदार टीका केली. तसेच, या दोन्ही पक्षांना निवडणुकीत किती जागा मिळणार, हेदेखील सांगितले.
6 चरण का मतदान समाप्त हो चुका है।
— BJP (@BJP4India) May 27, 2024
मेरे पास 5 चरण का आंकड़ा है।
5 चरण में मोदी जी 310 सीटें पार कर चुके हैं।
छठा चरण हो चुका है, सातवां होने वाला है, जिसमें आप लोगों को 400 पार कराना है।
- श्री @AmitShahpic.twitter.com/SbGZrLuqPF
अमित शाह म्हणाले की, "लोकसभेचे सहा टप्प्यातील मतदान संपले आहे. माझ्याकडे 5 टप्प्याची आकडेवारी आहे. नरेंद्र मोदींनी 5 टप्प्यातच 310 जागांचा टप्पा पार केला आहे. सातवा टप्पा होणार आहे, ज्यामध्ये 400 पार करायचे आहे. राहुल गांधींचा पक्ष 40 चा आकडाही पार करू शकणार नाही. अखिलेश यादव यांच्या समाजवादी पक्षाला तर यूपीमध्ये 4 जागादेखील मिळणे अवघड आहे," असा दावा अमित शाहंनी केला.
4 जून को राहुल बाबा की पार्टी 40 भी पार नहीं कर पाएगी और अखिलेश बाबू 4 भी पार नहीं कर पाएंगे।
— BJP (@BJP4India) May 27, 2024
देश की जनता ने तय किया है कि अगले 5 साल नरेन्द्र मोदी जी ही प्रधानमंत्री रहेंगे।
- श्री @AmitShahpic.twitter.com/GmYQNe8STG
EVM वर खापर फोडणार- शहा
शाह पुढे म्हणाले, "भाजप आणि एनडीएचा 4 जूनला विजय निश्चित आहे. 4 जूनला दुपारी राहुलबाबाचे लोक पत्रकार परिषद घेऊन ईव्हीएममुळे आमचा पराभव झाल्याचे म्हणतील. पराभवाचे खापरही खरगे साहेबांवरच पडेल. विरोधक सरकार आल्यावर मुस्लिमांना आरक्षण देण्याची भाषा करत आहेत. ते चुकून जिंकले तरी मागास, अतिमागास आणि दलितांचे आरक्षण काढून मुस्लिमांना देतील. कर्नाटक आणि हैदराबादमध्ये त्यांनी जे काही केले, तेच त्यांनी बंगालमध्ये केले, परंतु तेथे (बंगाल) उच्च न्यायालयाने त्यावर बंदी घातली. मुस्लिम आरक्षण संविधानानुसार नाही. आपल्या व्होट बँकेला खूश करण्यासाठी ते मुस्लिम आरक्षणाचे आश्वासन देत आहेत. त्याचे थेट परिणाम मागासवर्गीयांना भोगावे लागतील."
4 जून को मोदी जी की, भाजपा की, NDA की विजय निश्चित है।
4 जून की दोपहर को आप देख लेना कि राहुल बाबा के लोग प्रेस कॉन्फ्रेंस करेंगे और कहेंगे कि EVM के कारण हम हारे हैं।
हार का ठीकरा भी खड़गे साहब पर फूटेगा।
- श्री @AmitShahpic.twitter.com/rYbqVLvbLn— BJP (@BJP4India) May 27, 2024