सूरज चव्हाण लग्नबंधनात अडकला, संजनासोबत घेतले सात फेरे; फोटो-व्हिडीओ समोर

By ऑनलाइन लोकमत | Updated: November 30, 2025 08:53 IST2025-11-30T08:53:20+5:302025-11-30T08:53:54+5:30

मिस्टर अँड मिसेस चव्हाण! सूरज चव्हाणच्या घरी नवरी आलीच...

suraj chavan tie knot with sanjana gophane in grand wedding photo videos viral | सूरज चव्हाण लग्नबंधनात अडकला, संजनासोबत घेतले सात फेरे; फोटो-व्हिडीओ समोर

सूरज चव्हाण लग्नबंधनात अडकला, संजनासोबत घेतले सात फेरे; फोटो-व्हिडीओ समोर

'बिग बॉस ५'चा विजेता सूरज चव्हाण काल लग्नबंधनात अडकला.  नुकतंच त्याच्या बारामतीतील मोढवे येथील गावी त्याचं नवीन घर झालं. आता या घरात त्याची नवरीही आली आहे. सूरजने संजना गोफणेशी लग्नगाठ बांधली. पुण्यातील सासवड येथे गार्डनर हॉलमध्ये हा ग्रँड विवाहसोहळा झाला. 'बिग बॉस' फेम जान्हवी किल्लेकर सूरजची करवली म्हणून उपस्थित होती. सध्या सगळीकडे सूरजच्या लग्नाचे फोटो, व्हिडीओ व्हायरल होत आहेत.

'गुलीगत धोका'या आपल्या डायलॉगने आणि साधेपणाने सर्वांचं मन जिंकून घेणारा सूरज चव्हाण. लग्न करायची तर त्याची कायमच इच्छा होती जी त्याने अनेकदा बिग बॉसमध्येही बोलून दाखवली होती. बिग बॉस विजेता झाल्यावर सूरजचा भाव आणखी वधारला. त्याचं नवं घरही एकदम लॅव्हिश झालं. तर आता त्याची लग्नाचीही इच्छा पूर्ण झाली. सूरज आणि संजना काल २९ नोव्हेंबर रोजी लग्नबंधनात अडकले. सूरजने पांढऱ्या रंगाची शेरवानी परिधान केली होती. घोड्यावरुन त्याचं वऱ्हाड आलं. तर संजनाने निळ्या रंगाच्या साडीत सुंदर दिसत होती. तिच्या ब्लाऊजवर मागे 'सूरजची नवरी' असंही विणलेलं दिसत आहे. सप्तपदी घेऊन, एकमेकांना वचनं देऊन अग्नीच्या, थोरामोठ्यांच्या साक्षीने सूरज आणि संजनाने नवीन आयुष्याची सुरुवात केली. 


सूरजच्या लग्नाला धनंजय पोवार, पुरुषोत्तम दादा पाटील, जान्हवी किल्लेकर या बिग बॉसमधील मंडळींनी हजेरी लावली. त्याच्या लग्नाची महाराष्ट्रभरात चर्चा होतीच. सध्या सगळीकडून सूरजवर अभिनंदनाचा वर्षाव होत आहे. या आनंदाच्या प्रसंगी सूरजला आईवडिलांची आठवण आली. ते आज असायला हवे होते अशी त्याने भावुक प्रतिक्रिया दिली. 

Web Title : बिग बॉस फेम सूरज चव्हाण ने संजना के साथ शादी रचाई

Web Summary : बिग बॉस 5 के विजेता सूरज चव्हाण ने पुणे के सासवड में संजना गोफने के साथ भव्य समारोह में शादी की। जान्हवी किल्लेकर शामिल हुईं। सूरज ने शेरवानी पहनी थी, जबकि संजना ने नीली साड़ी पहनी थी जिस पर 'सूरज की दुल्हन' कढ़ाई की गई थी। इस खुशी के मौके पर उन्हें अपने माता-पिता की याद आती है।

Web Title : Bigg Boss fame Suraj Chavan Ties Knot with Sanjana

Web Summary : Suraj Chavan, winner of Bigg Boss 5, married Sanjana Gophane in a grand ceremony in Saswad, Pune. Janhavi Killekar attended. Suraj wore a sherwani, while Sanjana donned a blue saree with 'Suraj's Bride' embroidered on the blouse. He misses his parents on this joyous occasion.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.