शंभूराज लगीनघाई करा! प्राजक्ता गायकवाडच्या हातावर मेहेंदी रंगली, फोटो समोर

अभिनेत्री प्राजक्ता गायकवाडही बोहल्यावर चढण्याच्या तयारीत आहे. प्राजक्ताच्या लग्नापूर्वीच्या विधींना सुरुवात झाली असून नुकताच तिचा मेहेंदी सोहळा पार पडला.

सध्या मराठी कलाविश्वात लगीनघाई सुरू आहे. एकामागोमाग एक सेलिब्रिटी लग्नाच्या बेडीत अडकत आहेत. बिग बॉस मराठी फेम सूरज चव्हाणचा विवाहसोहळा थाटामाटात पार पडला. त्यानंतर सोहम बांदेकर आणि पूजा बिरारी यांच्याही घरी लग्नाची जय्यत तयारी सुरू आहे. तर अभिनेत्री प्राजक्ता गायकवाडही बोहल्यावर चढण्याच्या तयारीत आहे. प्राजक्ताच्या लग्नापूर्वीच्या विधींना सुरुवात झाली असून नुकताच तिचा मेहेंदी सोहळा पार पडला. याचे फोटो आणि व्हिडीओ समोर आले आहेत. 

प्राजक्ताने मेहेंदी सोहळ्यातील काही खास क्षण सोशल मीडियावर शेअर केले आहेत. मेहेंदीसाठी प्राजक्ताने हिरव्या रंगाचा लेहेंगा परिधान केला होता. डोली, मोर, सनई चौघडे अशी सुंदर डिझाईनची मेहेंदी तिच्या हातावर काढण्यात आली आहे. प्राजक्ताचे हात शंभूराज यांच्या नावाच्या मेहेंदीने रंगले आहेत. प्राजक्ताच्या मेहेंदी समारंभाला शंभूराज यांनीही उपस्थिती दर्शवली होती. शंभूराज यांनीही त्यांच्या हातावर प्राजक्ताच्या नावाची मेहेंदी काढली. अभिनेत्रीच्या मेहेंदी सोहळ्याच्या फोटोंनी चाहत्यांचं लक्ष वेधून घेतलं आहे. 

प्राजक्ता लग्नानंतर खुटवड घराण्याची सून होणार आहे. प्राजक्ता गायकवाड आणि शंभुराज खुटवड यांचा लग्नसोहळा येत्या २ डिसेंबर २०२५ रोजी दुपारी १२.२४ वाजता संपन्न होणार आहे. ऑगस्ट महिन्यात त्यांचा साखरपुडा पार पडला होता. आता त्यांच्या लग्नाची जय्यत तयारी सुरू आहे.