गौतमी पाटीलनं साजरा केला आईचा वाढदिवस, दिलं 'हे' खास गिफ्ट; पाहा मायलेकींचा क्युट Video

नुकतंच गौतमीने आपल्या लाडक्या आईचा वाढदिवस साजरा केला.

लोकप्रिय नृत्यांगना आणि सोशल मिडिया स्टार गौतमी पाटील या नावाला कोणत्याही परिचयाची गरज नाही. सबसे कातिल गौतमी पाटील... म्हणून ती चाहत्यांमध्ये प्रसिद्ध आहे.  गौतमीच्या शोसाठी चाहते मोठ्या प्रमाणात गर्दी करतात. मात्र, सोशल मीडियावर सातत्याने चर्चेत येणाऱ्या गौतमीसाठी हा प्रवास सोपा नव्हता. गौतमीने खऱ्या आयुष्यात अनेक चढ-उतार पाहिले. गौतमीच्या जन्माचं आधीच आई व वडील वेगळे झाले होते. त्यामुळे तिच्या आईने एकल पालकत्व स्विकारत सांभाळ केला.  त्यामुळे गौतमीच्या आयुष्यात तिच्या आईचं अनन्यसाधारण महत्त्व असून तिचं आईवर जीवापाड प्रेम आहे. नुकतंच गौतमीने आपल्या लाडक्या आईचा वाढदिवस साजरा केला.

गौतमीने आपल्या आईला वाढदिवसानिमित्त खास मोबाइल फोन भेट म्हणून दिला आहे. लेकीने दिलेली ही भेटवस्तू पाहून गौतमीची आई भावुक झाल्याचं पाहायला मिळालं. यानंतर या दोघींनी मिळून केक कापला. लेकीने एवढं मोठं गिफ्ट दिलं हे पाहून गौतमीच्या आईने तिला प्रेमाने जवळ सुद्धा घेतलं. मायलेकीचा हा गोड व्हिडीओ सध्या सोशल मीडियावर व्हायरल होतोय.

गौतमी आणि तिची आई दिसायला अगदी सारख्याच आहेत आणि या दोघींमध्ये खूपच सुंदर बॉण्डिंग आहे. गौतमीची आई नोकरी करायची. पण तिचा अपघात झाल्यानंतर गौतमीवर घरची जबाबदारी आली. गौतमीला लहानपणापासून नृत्याची आवड होती. तिने क्लासही लावला होता. दरम्यान अकलूज लावणी महोत्सवात तिने पहिल्यांदा लावणी केली. तिथे तिला पाचशे रुपये मानधन मिळाले होते. गौतमी पाटील आज जिथे जाते, तिथे हजारो चाहत्यांची गर्दी होते. पण, आजच्या या यशाच्या मागे एक अत्यंत खडतर आणि संघर्षाचा प्रवास दडलेला आहे.