'इज्जत दोगे तो इज्जत मिलेगी', 'बिग बॉस १९' फेम फरहाना भटने पापाराझींना फटकारलं

By ऑनलाइन लोकमत | Updated: December 30, 2025 16:32 IST2025-12-30T16:29:11+5:302025-12-30T16:32:54+5:30

'बिग बॉस १९'ची फायनलिस्ट फरहानाने पापाराझींना सुनावलं

farahana bhatt furious on paparazzi warns them give respect take respect | 'इज्जत दोगे तो इज्जत मिलेगी', 'बिग बॉस १९' फेम फरहाना भटने पापाराझींना फटकारलं

'इज्जत दोगे तो इज्जत मिलेगी', 'बिग बॉस १९' फेम फरहाना भटने पापाराझींना फटकारलं

'बिग बॉस १९'मध्ये दिसलेल्या फरहाना भटचा मोठा चाहतावर्ग आहे. या सीझनमध्ये फरहानाची खूप चर्चा झाली. अनेकदा ती सलमानच्या निशाण्यावरही होती. मात्र सोबतच ती सीझनमध्ये सर्वात स्ट्राँग स्पर्धक होती. म्हणूनच ती टॉप २ पर्यंत पोहोचली. 'बिग बॉस' संपल्यानंतर आता फरहाना जिथे जाते तिथे पापाराझी तिला कॅमेऱ्यात कैद करण्यासाठी गर्दी करतात. मात्र आता फरहानाचा पारा चढला आहे. तिने पापाराझींना चांगलंच सुनावलं आहे.

सोशल मीडियावर एक व्हिडीओ व्हायरल होतोय. यामध्ये फरहाना भट ब्लॅक आउटफिटमध्ये दिसत आहे. रेस्टॉरंटमधून बाहेर पडताना फरहानाभोवती पापाराझी गराडा घालतात. यावेळी ती त्यांच्यावर भडकते. एक कॅमेरामन म्हणतो, 'लगता है चढ गई है'. पापाराझीच्या या कमेंटवर फरहाना अजूनच भडकते. ती पापाराझींना चांगलंच सुनावते. 'काय बोलत होता तू? प्यायली आहे का? पी रखी है असंच काहीतरी बोलत होता ना. माझ्यासमोर हे सगळं परत करायचं नाही. मी मस्ती मजा करते. आदर द्याल तरच आदर मिळेल. अशा कमेंट्स पास करुन माझ्यासोबत मजामस्ती करायची नाही." 


यानंतर मात्र ती पापाराझींशी चांगलंही बोलते. चाहत्यांनीही फरहानाची बाजू घेतली आहे. 'ती विनम्रतेनेच बोलत होती','चढ गई वाली कमेंट चुकीची होती','पापाराझी आहे म्हणून त्यांना मर्यादा पार करण्याची परवानगी नाही' अशा कमेंट्स नेटकऱ्यांनी केल्या आहेत.

फरहाना भट 'बिग बॉस १९' मध्ये फायनलपर्यंत पोहोचली होती. मात्र गौरव खन्नाने बिग बॉसची ट्रॉफी जिंकली होती. तरी फरहानाच्या चाहतावर्ग वाढला आहे.

Web Title : 'बिग बॉस 19' फेम फरहाना भट ने पापराज़ी को फटकारा, बदतमीजी पर लगाई फटकार

Web Summary : 'बिग बॉस 19' की फरहाना भट ने पापराज़ी को उनकी टिप्पणी के लिए डांटा। एक रेस्तरां से बाहर निकलने के बाद, एक पापराज़ी की टिप्पणी से वह नाराज़ हो गईं। उन्होंने कहा कि सम्मान अर्जित किया जाता है और अपमानजनक व्यवहार के खिलाफ चेतावनी दी। प्रशंसकों ने उनका समर्थन किया।

Web Title : 'Bigg Boss 19' Fame Farahana Bhat Slams Paparazzi for Rude Comment

Web Summary : Farhana Bhat of 'Bigg Boss 19' scolded paparazzi for their comments. After exiting a restaurant, a paparazzo's remark angered her. She asserted that respect is earned and warned against disrespectful behavior. Fans supported her, criticizing the paparazzo's comment as inappropriate.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.