नवीन वर्षाच्या सुरुवातीला टीव्ही अभिनेत्रीने दाखवला लेकीचा चेहरा, नावही आहे खास

अभिनेत्रीच्या लेकीचं नाव काय?

'गीत: हुई सबसे परायी', 'दिल मिल गये', 'मधुबाला' या मालिकांमध्ये दिसलेली अभिनेत्री दृष्टी धामीने गेल्या वर्षी गोंडस मुलीला जन्म दिला. काही काळापासून ती स्क्रीनवरुन गायब आहे. लेकीचा सांभाळ करण्यात ती व्यग्र आहे. नवीन वर्षाच्या सुरुवातीलाच दृष्टीने लेकीचा चेहरा रिव्हील केला आहे. तसंच तिचं नावही सांगितलं आहे. चिमुकलीला पाहून दृष्टीचे चाहते खूश झाले आहेत. 

दृष्टी धामी आणि पती नीरज खेमका यांनी लेकीच्या पहिल्या वाढदिवसाचे फोटो पोस्ट केले आहेत. लीला खेमका असं तिचं नावही तिने रिव्हील केलं.  २२ ऑक्टोबर रोजी त्यांची मुलगी १ वर्षाची झाली. लव्हेंडर रंगाच्या थीममध्ये सगळं डेकोरेशन करण्यात आलं होतं. लीलाला छानसा लव्हेंडर रंगाचा फ्रॉक, मॅचिंग हेअर बेल्ट घातला होता. सोबत पहिल्या वाढदिवसाचा केकही होता. 

दृष्टीच्या या फोटोंवर अनेक सेलिब्रिटींनी कमेंट केल्या आहेत. छोट्या लीलावर प्रेमाचा वर्षाव केला आहे. दृष्टी धामीने २१ फेब्रुवारी २०१५ रोजी बिझनेसमन नीरज खेमकासोबत लग्न केलं होतं. लग्नानंतर ९ वर्षांनी त्यांना मुलगी झाली. दृष्टी अनेकदा लेकीसोबतचे व्हिडीओ शेअर करत असते. आई झाल्यानंतर ती आणखी जास्त जागरुक झाली आहे. पहिल्यांदाच तिने सोशल मीडियावर लेकीचा चेहरा दाखवला आहे.