वडिलांना शेवटचं पाहिलं अन् ढसाढसा रडली; बापमाणूस गमावल्यावर दिशा वकानीची झाली अशी अवस्था

दयाबेन म्हणून प्रसिद्धी मिळवलेली अभिनेत्री दिशा वकानीला पितृशोक झाला. मंगळवारी(७ एप्रिल) तिचे वडील भीम वकानी यांचं निधन झालं. त्यांच्या पार्थिवावर अंत्यसंस्कार करण्यात आले असून वडिलांना शेवटचा निरोप देताना दिशा वकानी आणि तिचा भाऊ मयूर वकानी भावुक झाले होते. 

दयाबेन म्हणून प्रसिद्धी मिळवलेली अभिनेत्री दिशा वकानीला पितृशोक झाला. मंगळवारी(७ एप्रिल) तिचे वडील भीम वकानी यांचं निधन झालं. त्यांच्या निधनाने वकानी कुटुंबीयांवर दु:खाचा डोंगर कोसळला. भीम वकानी काही काळापासून आजारी होते. त्यांच्या पार्थिवावर अंत्यसंस्कार करण्यात आले असून वडिलांना शेवटचा निरोप देताना दिशा वकानी आणि तिचा भाऊ मयूर वकानी भावुक झाले होते. 

वडिलांच्या पार्थिवाचं अंत्यदर्शन घेतल्यानंतर दिशा वकानीला अश्रू अनावर झाले. आयुष्यातून बापमाणूस गेल्यानंतर अभिनेत्री ढसाढसा रडली. तर तिचा भाऊ आणि अभिनेता मयूर वकानीदेखील खचल्याचं दिसून आलं. वकानी कुटुंबीय आणि नातेवाईक दिशा आणि मयूरला धीर देत होते. या दु:खातून सावरण्याचा वकानी कुटुंबीय प्रयत्न करत आहेत. 

विशेष म्हणजे, भीम वकानी हे केवळ दिशा वकानीचे वडील नव्हते, तर त्यांनी 'तारक मेहता का उल्टा चष्मा' या मालिकेतही काही भागांमध्ये काम केले होते. मालिकेत त्यांनी चंपकलाल गडा (बापूजी) यांच्या मित्राची भूमिका साकारली होती. याशिवाय भीम वकानी हे गुजराती नाट्यसृष्टीतील एक दिग्गज कलाकार होते. त्यांनी अनेक नाटकं आणि चित्रपटांमध्ये काम केले होते. आपल्या दोन्ही मुलांनी, म्हणजेच दिशा आणि मयूरने अभिनय क्षेत्रात नाव कमवावे, यासाठी त्यांनी नेहमीच प्रोत्साहन दिले होते.