इतिहासाचा भव्य पुनर्जन्म! ‘चक्रवर्ती सम्राट पृथ्वीराज चौहान’साठी उभारला तब्बल १० एकरचा भव्य सेट 

१२ व्या शतकाच्या इतिहासाचा भव्य पुनर्जन्म! ‘चक्रवर्ती सम्राट पृथ्वीराज चौहान’साठी उभारला तब्बल १० एकरचा भव्य सेट

Chakravarti Samrat Prithviraj Chauhan Serial:  सोनी टेलिव्हिजनवर लवकरच प्रेक्षकांच्या भेटीस येणाऱ्या ऐतिहासिक मालिकेचा ‘चकवर्ती सम्राट पृथ्वीराज चौहान’ (Chakravarti Samrat Prithviraj Chauhan) हा प्रोजेक्ट फक्त एक मालिका नाही, तर इतिहासाचा भव्य आणि जिवंत अनुभव ठरणार आहे. या मालिकेसाठी १० एकर जागेवर उभारलेला सेट हे याचे ठळक उदाहरण आहे.एक असा भव्य दृष्य अनुभव जो १२व्या शतकाच्या भारतात घेऊन जातो.

आजच्या काळात VFX तंत्रज्ञानाचा मोठ्या प्रमाणावर वापर होतो, तरीही या मालिकेच्या निर्मात्यांनी प्रत्यक्ष सेट उभारण्याचा निर्णय घेतला. कारण, त्यांनी सांस्कृतिक आणि ऐतिहासिक दृष्टिकोनातूनही एक शुद्ध आणि खराखुरा अनुभव देण्याचा निर्धार केला आहे.

अविस्मरणीय तपशीलांची ऐतिहासिक उंची 

या सेटमध्ये वापरलेली सामग्रीदेखील पूर्णतः काळजीपूर्वक निवडली गेली आहे. राजस्थानमधून खास पाषाण आणि वाळू आणली गेली, जेणेकरून जमिनीवरील फर्श, दरबाराच्या भिंती, आंगणे इत्यादी सर्व काही त्या काळातील वास्तुकलेशी सुसंगत वाटावे. ऐतिहासिक राजवाड्यांची भिंती, सुबक दगडी रचना आणि राजघराण्याच्या शौर्याची अनुभूती देणारे परकोटे, हे सर्व एका जुन्या युगात डोकावण्यासारखे आहे.

सहा भिन्न भागांमध्ये विभागलेला सेट- 

हा विशाल सेट सहा प्रमुख भागांत विभागण्यात आला आहे, जे पृथ्वीराज चौहान यांच्या जीवनातील विविध महत्त्वाच्या स्थळांचे प्रतिनिधित्व करतात. यामध्ये समाविष्ट आहेत:

१) राजवाड्याचे खासगी महाल

 २) दरबारी अंगण

 ३) युद्धभूमी

४) किल्ल्यांचे बाह्यदर्शन

५) राजदरबार

६) सैनिकांचे प्रशिक्षण क्षेत्र

प्रत्येक विभाग स्वतंत्रपणे डिझाईन करण्यात आला आहे, ज्यामुळे प्रत्येक जागा ही त्या काळातील वातावरणाची सखोल अनुभूती देते.

इतिहासतज्ज्ञांच्या देखरेखीखाली उभारलेली निर्मिती 

शूटिंग सुरू होण्याआधीच सेटवरचा प्रत्येक भाग, रंग, रचना यांना मान्यता देण्यासाठी एक सुप्रसिद्ध इतिहासतज्ज्ञ सहभागी करण्यात आले. त्यांनी सेटची पाहणी करून खात्री केली की १२व्या शतकातील प्रत्येक महत्त्वाचा पैलू वास्तवदर्शीपणे यात प्रतिबिंबित झाला आहे.