“तूच या आठवड्याचा खरा डॉन”, रितेश देशमुखकडून प्रभू शेळकेचं तोंडभरुन कौतुक, म्हणाला...

यंदाच्या सीझनमधील पहिला भाऊचा धक्का पार पडणार आहे. यामध्ये रितेश देशमुख प्रभूचं भरभरुन कौतुक करणार आहे. याचा प्रोमो व्हिडीओ समोर आला आहे. 

Bigg Boss Marathi 6: 'बिग बॉस मराठी'च्या नव्या पर्वात छोटा डॉन प्रभू शेळकेच्या एन्ट्रीने सगळ्यांनाच आश्चर्याचा धक्का बसला होता. पहिल्या दिवसापासून रीलस्टार असलेला प्रभू शेळके बिग बॉसच्या घरात त्याच्या परीने चाहत्यांचं मनोरंजन करण्याचा प्रयत्न करत आहे. घरातील सदस्यांसोबतही तो मिळून मिसळून राहत आहे. यंदाच्या सीझनमधील पहिला भाऊचा धक्का पार पडणार आहे. यामध्ये रितेश देशमुख प्रभूचं भरभरुन कौतुक करणार आहे. याचा प्रोमो व्हिडीओ समोर आला आहे. 

प्रभुने आपल्या साध्या आणि विनोदी स्वभावाने प्रेक्षकांचे तसेच रितेश भाऊचेही मन जिंकले आहे. त्याच्या मनोरंजनाच्या शैलीवर भाष्य करताना रितेश देशमुख म्हणाला, "प्रभु, बाहेरच्या दुनियेत तुम्ही एका कॅमेराने कंटेंट बनवता. इथे १०० कॅमेरे आहेत. तुम्ही हसवलत, तुम्ही रडवलत. मी बाकी सगळ्यांना सांगू इच्छितो, तुम्ही यांना छोटे समजत आहात, पण या आठवड्यातले हे खरे एंटरटेनमेंटचे डॉन आहेत!" रितेशने कौतुक केल्यानंतर प्रभु शेळके भावूक झाला आणि त्याने नम्रपणे सर्वांचे आभार मानले. घरात इतर सदस्यांच्या तुलनेत प्रभु जरी शांत वाटत असला तरी, त्याच्या या 'डॉन' अवताराने आता सदस्यांमध्ये त्याची एक वेगळीच दहशत निर्माण होईल यात शंका नाही. 

दरम्यान, कॅप्टन्सी टास्क जिंकून प्राजक्ता शुक्रे यंदाच्या सीझनची पहिली कॅप्टन ठरली आहे. तर करण सोनावणे, सागर कारंडे, प्रभू शेळके, दिव्या शिंदे, दिपाली सय्यद, रोशन भजनकर, रुचिता जामदार, राधा पाटील आणि अनुश्री माने हे सदस्य या आठवड्यात नॉमिनेट झाले आहेत.