Bigg Boss 17 होस्ट करण्यासाठी सलमान खाननं घेतलं इतकं मानधन, आकडा वाचून व्हाल अवाक्

Bigg Boss 17 : बिग बॉस सीझन १७ लवकरच प्रेक्षकांच्या भेटीला येणार आहे. यासोबतच हा शो होस्ट करण्यासाठी सलमान खानने तगडं मानधन घेतले आहे.

भारतीय टेलिव्हिजनच्या सर्वात लोकप्रिय आणि वादग्रस्त रिअॅलिटी शो बिग बॉस १७ (Bigg Boss 17) लवकरच प्रेक्षकांच्या भेटीला येणार आहे. सुपरस्टार सलमान खान (Salman Khan) या शोचं सूत्रसंचालन करताना दिसणार आहे. हा शो कलर्स टीव्हीवर १५ ऑक्टोबर रोजी प्रसारित होणार आहे. या शोबद्दल सर्वांच्या मनात खूप उत्सुकता आहे. सलमान खानने हा शो होस्ट करण्यासाठी चांगलंच मानधन घेतले आहे.

वास्तविक, बिग बॉसच्या फॅन पेजनुसार, शो होस्ट करण्यासाठी सलमान खानला मोठी रक्कम दिली जात आहे. हा सुपरस्टार दर आठवड्याला १२ कोटी रुपये इतकी मोठी फी घेत आहे. विशेष म्हणजे शनिवार आणि रविवार असे दोन दिवस सलमान खान हा शो होस्ट करतो. म्हणजेच तो प्रति एपिसोड ६ कोटी रुपये कमावणार आहे. इतकंच नाही तर हा शो त्याच्या नियोजित वेळेपेक्षा जास्त किंवा जवळपास चार महिने चालला तर सलमान खान संपूर्ण सीझनमध्ये २०० कोटी रुपयांची मोठी कमाई करू शकतो. तथापि, बिग बॉस १७ साठी सलमान खानच्या मानधनाबद्दल कोणताही दुजोरा मिळालेला नाही.

सलमान खान बनलाय बिग बॉसचा महत्त्वाचा भाग 
सलमान खान २०१० मध्ये बिग बॉसच्या चौथ्या सीझनशी जोडला गेला होता आणि आता तो या शोचा एक खास भाग बनला आहे. त्याचे मजबूत होस्टिंग शोचे रेटिंग नेहमीच उच्च ठेवते. तो भारतातील सर्वाधिक मानधन घेणाऱ्या टीव्ही होस्टपैकी एक आहे यात काही शंका नाही आणि गेल्या काही वर्षांत त्याच्या मानधनात सातत्याने वाढ होताना दिसत आहे.

View this post on Instagram

A post shared by ColorsTV (@colorstv)

बिग बॉस १७ची थीम असणार खूप मनोरंजक 
बिग बॉस १७ बद्दल चाहते खूप उत्सुक आहेत. काही काळापूर्वी या रिअॅलिटी शोचा प्रोमो रिलीज झाला होता ज्यामध्ये सलमान खानने आपल्या लूकने सर्वांना आश्चर्यचकित केले होते. यंदाच्या सीझनच्या थीमबद्दल बोलायचे तर ते सिंगल विरुद्ध कपल्स असल्याचे सांगितले जाते. टेलिचक्करमध्ये आलेल्या वृत्तानुसार, यावेळी घराचे तीन भाग केले जाणार आहेत. जोडपे हृदयाच्या क्षेत्रात असतील तर सिंगल मेंदूच्या क्षेत्रात असतील आणि ज्यांना विशेष शक्ती मिळेल त्यांच्या भागात शक्ती क्षेत्र असेल.