एका शोमुळे रातोरात स्टार, २६०० कोटींची आहे मालकीण; आता Bigg Boss १८मध्ये करणार एन्ट्री, कोण आहे ती?

Bigg Boss 18 : नेटफ्लिक्सवरील एका शोमधून रातोरात लोकप्रिय झालेली ही स्टार आता 'बिग बॉस १८'मध्ये एन्ट्री करणार आहे.

बिग बॉस १८ (Bigg Boss 18)च्या प्रेक्षकांसाठी एक नवीन आणि मनोरंजक बातमी समोर आली आहे. दिल्लीच्या आर्ट डिझाईन कलेक्टर आणि फॅब्युलस लाइव्हज विरुद्ध बॉलिवूड वाइव्हज या रिॲलिटी शोची स्टार शालिनी पासी (Shalini Passi) या सीझनमध्ये वाईल्ड कार्ड स्पर्धक म्हणून प्रवेश करू शकते. शालिनी पासीने फॅब्युलस लाइव्हज विरुद्ध बॉलिवूड वाइव्हज (Fabulous Lives vs Bollywood Wives) शोमधून लोकांच्या मनात एक खास स्थान निर्माण केले आहे. या शोमध्ये तिचे मनमोहक व्यक्तिमत्त्व आणि रंजक भाषणांनी प्रेक्षकांचे लक्ष वेधून घेतले. आता ती बिग बॉस १८मध्ये सहभागी होणार असल्याचे समजते आहे. या वृत्तामुळे तिचे चाहते खूश झाले आहेत.

शालिनी पासीलाही रिॲलिटी शोच्या अनुभवाचा फायदा होऊ शकतो. फॅब्युलस लाइव्हज विरुद्ध बॉलिवूड वाइव्हजमध्ये, तिच्या धोरणात्मक विचार आणि आत्मविश्वासामुळे तिला शोमध्ये एक मजबूत स्थान मिळाले. त्याचा अनुभव बिग बॉसमध्ये खेळताना उपयुक्त ठरेल असा विश्वास आहे. मात्र, ती स्पर्धक म्हणून येणार की फक्त पाहुणी म्हणून येणार की शोमध्ये ती येणार याविषयी वाहिनीने आतापर्यंत मौन बाळगले आहे.

कोण आहे शालिनी पासी?
शालिनी पासी ४८ वर्षांची आहे. ती रिॲलिटी स्टार आहे. तिचे पती संजय पासी आहेत, जे एक बिझनेसमन आणि पास्को ग्रुपचे चेअरमन आहेत. शालिनी पासी  फॅब्युलस लाइव्हज विरुद्ध बॉलिवूड वाइव्हजद्वारे चर्चेत आली होती. या शोमधून मिळालेली सर्व फी शालिनीने बिहारमधील एका गावात दान केली होती. एवढेच नाही तर शालिनी आणि संजय यांच्या संयुक्त संपत्तीबद्दल बोलायचे झाले तर ती २६९० कोटींची मालकीण आहे.

बिग बॉस १८चे नॉमिनेटेड कंटेस्टंट
दरम्यान, या आठवड्यात बिग बॉस १८ मध्ये अनेक सदस्यांना नामांकन मिळाले आहे. करणवीर मेहरा, दिग्विजय राठी, सारा अरफीन खान, शिल्पा शिरोडकर, कशिश कपूर आणि चुम दरंग यांना या आठवड्यात घरातून बाहेर पडण्यासाठी नॉमिनेटेड करण्यात आले आहे. आता शालिनी पासीच्या घरातील प्रवेशाचा या नॉमिनेटेड स्पर्धकांवर काय परिणाम होतो हे पाहणे उत्सुकतेचे ठरणार आहे.