मानाची करवली! सूरज चव्हाणच्या लग्नासाठी जान्हवी किल्लेकर पोहोचली मोढवे गावी, नेटकरी म्हणाले-"मैत्रीला जागलेली…"

"मैत्रीला जागलेली खरी कलाकार…", सूरज चव्हाणच्या लग्नासाठी जान्हवी किल्लेकर पोहोचली गावी, नेटकरी करतायेत कौतुक

Jahnavi Killekar Share Video: गेल्या काही दिवसांपासून चाहत्यांमध्ये बिग बॉस मराठी फेम सूरज चव्हाणच्या लग्नाची चर्चा आहे.आपल्या अनोख्या शैलीने आणि 'गुलीगत' डायलॉगने संपूर्ण महाराष्ट्राला वेड लावणारा सोशल मीडिया स्टार सुरज चव्हाण लवकरच लग्नाच्या बोहल्यावर चढणार आहे. सूरज चव्हाण आणि संजना गोफणे येत्या २९ नोव्हेंबर रोजी विवाहबद्ध होत आहे.हे लग्न  सासवड जेजुरी रोडवरील माऊली गार्डन हॉलमध्ये पार पडणार आहे.आता सूरजच्या  घरी लग्नाआधीच्या विधींना सुरुवात झालेली आहे.लग्नानिमित्त त्याच्या घरी सगळे नातेवाईक एकत्र जमले आहेत. 

त्यात आता सूरजच्या लग्नानिमित्त अभिनेत्री जान्हवी किल्लेकर त्याच्या मोढवे गावी पोहोचली आहे. नुकताच जान्हवी किल्लेकरने तिच्या सोशल मिडिया अकाउंटवर खास व्हिडीओ शेअर केला आहे. ज्यामुळे ती चाहत्यांच्या कौतुकास पात्र ठरली आहे. "सुरजच्या लग्नाची तयारी...", असं कॅप्शन तिने या व्हिडीओला दिलंय. या व्हिडीओमध्ये तिचं घर पाहुणेमंडळींनी भरून गेल्याचं पाहायला मिळत आहे.काल सूरजच्या घरी हळदीचा कार्यक्रम दणक्यात पार पडला.याची खास झलक अभिनेत्रीने व्हिडीओच्या माध्यमातून शेअर केली आहे.जान्हवी आपल्या मानलेल्या भावाच्या हळदीत अगदी मनसक्त नाचताना दिसतेय. जान्हवीच्या व्हिडीओवर मैत्रीला जागणारी खरी कलाकार.. . अशा कमेंट्स करत नेटकऱ्यांनी प्रतिक्रिया दिल्या आहेत. 

कोण आहे होणारी बायको?

सूरजची दोन स्वप्न होती. पहिलं घर बांधण्याचं आणि दुसरं लग्नाचं. यातील पहिलं घर बांधण्याचं स्वप्न पुर्ण झालंय. अलिकडेच त्यानं आपल्या नव्या घरात गृहप्रवेश केलाय. दरम्यान, सुरज चव्हाण आणि त्याची होणारी पत्नी संजना यांचं लव्ह मॅरेज आहे. संजना ही सुरजच्या चुलत मामाची मुलगी आहे. दोघेही लहानपणापासून एकमेकांना ओळखत होते, दोघांची घट्ट मैत्री होती याच मैत्रीचे रुपांतर प्रेमात झाले.