गळ्यात नेकलेस घातला अन् पैठणीची लुंगी नेसला! 'ठरलं तर मग' फेम अभिनेत्याचा लूक पाहून चाहत्यांनी डोक्यावर मारला हात

सेलिब्रिटी फॅशन शोसाठी कायमच हटके लूक करताना दिसतात. सध्या एका अभिनेत्याचा फॅशन शोमधील लूक व्हायरल झाला आहे.

'ठरलं तर मग' फेम अभिनेता चैतन्य सरदेशपांडेने त्याच्या लूकने चाहत्यांचं लक्ष वेधून घेतलं आहे. एका फॅशन शोसाठी चैतन्यने हा खास लूक केला होता.

याचे फोटो अभिनेत्याने शेअर केले आहेत. फोटोंमध्ये दिसतंय की चैतन्यने हिरव्या रंगाची पैठणी साडी लुंगी म्हणून नेसली आहे.

त्याने पिवळ्या रंगाचा फूल बाह्यांचा शर्ट परिधान केला आहे. तर गळ्यात खड्यांचा मोठा नेकलेस घातला आहे.

कपाळावर त्याने चंद्रकोरही लावली आहे. चैतन्यने गळ्यात घातलेल्या नेकलेसने चाहत्यांचं लक्ष वेधून घेतलं आहे.

त्याचा हा लूक पाहून चाहते आश्चर्यचकित झाले आहेत. या फोटोंवर कमेंट करत काहींनी चैतन्यचं कौतुक केलं आहे.

तर चैतन्याचा हा लूक काही चाहत्यांच्या पसंतीस उतरला नाहीये. कमेंटमध्ये चाहत्यांनी "पण का?", "बाई हा काय अवतार", "हे काय आहे", असंही काहींनी म्हटलं आहे.