जान्हवीनंतर आता स्वानंदीच्या मंगळसूत्राचा ट्रेंड, तेजश्री प्रधानच्या हटके स्टाइलला प्रेक्षकांची पसंती

'वीण दोघांतली ही तुटेना' मालिकेत लग्न लागताच स्वानंदीच्या मंगळसूत्राची चर्चा रंगली आहे. स्वानंदीने घातलेल्या मंगळसूत्राने चाहत्यांचं लक्ष वेधून घेतलं आहे.

तेजश्री प्रधान हा मराठी टेलिव्हिजनचा लाडका चेहरा आहे. अनेक मालिकांमध्ये तेजश्रीने काम केलं आहे.

होणार सून मी ह्या घरची मालिकेतून तेजश्रीला प्रसिद्धी मिळाली. त्यानंतर तेजश्री अग्गबाई सासूबाई, प्रेमाची गोष्ट या मालिकांमध्ये मुख्य भूमिका साकारताना दिसली.

सध्या तेजश्री झी मराठी वाहिनीवरील 'वीण दोघांतली ही तुटेना' मालिकेत प्रमुख भूमिकेत आहे. या मालिकेत ती स्वानंदीची भूमिका साकारत आहे.

'वीण दोघांतली ही तुटेना' मालिकेत स्वानंदी आणि समरचं नुकतंच लग्न झालं आहे. या लग्नाच्या ट्रॅकला चाहत्यांनीही पसंती दर्शवली.

'वीण दोघांतली ही तुटेना' मालिकेत लग्न लागताच स्वानंदीच्या मंगळसूत्राची चर्चा रंगली आहे. स्वानंदीने घातलेल्या मंगळसूत्राने चाहत्यांचं लक्ष वेधून घेतलं आहे.

या मालिकेत स्वानंदीच्या भूमिकेत असलेल्या तेजश्रीने हटके मंगळसूत्र घातलं आहे. दोन लेयर असलेलं हे मंगळसूत्र अतिशय छान आहे.

यामध्ये एका बाजूला चेन आणि दुसऱ्या बाजूला काळे मणी तर मध्ये पेंडंट अशी खास डिझाइन केली आहे.

याआधी तेजश्रीने साकारलेल्या जान्हवीच्या मंगळसूत्राचा ट्रेंड आला होता. तीन लेअरचं जान्हवीचं मंगळसूत्र प्रचंड ट्रेंडिंग होतं.

आता जान्हवीनंतर स्वानंदीच्या मंगळसूत्राचा ट्रेंड आल्याचं दिसत असून चाहत्यांचीही याला पसंती आहे.