कार्तिकी गायकवाडच्या भावाचं शुभमंगल सावधान! गायिकेने शेअर केले लग्नातील खास क्षणांचे फोटो

'सारेगमप लिटिल चॅम्प्स'मधून प्रसिद्धीझोतात आलेली गायिका कार्तिकी गायकवाडचा भाऊ कौस्तुभ लग्नाच्या बेडीत अडकला आहे.

कौस्तुभने काव्यासोबत सप्तपदी घेत नव्या आयुष्याला सुरुवात केली आहे. त्यांच्या लग्नाचे फोटो समोर आले आहेत.

कुटुंबीय आणि मित्रपरिवाराच्या उपस्थितीत कौस्तुभ आणि काव्याचा विवाहसोहळा पार पडला. कार्तिकीने त्यांच्या साता जन्माची गाठ बांधली.

विवाहसोहळ्यासाठी कौस्तुभ आणि काव्याने पारंपरिक पेहराव केला होता. तर कार्तिकीनेही मराठमोळा साज केला होता.

पांढऱ्या रंगाची पैठणी आणि त्यावर हिरव्या रंगाचा डिझायनर ब्लाऊज तिने घातला होता.

कपाळावर चंद्रकोर, हातात हिरव्या बांगड्या आणि भरजरी दागिने घालत कार्तिकी नटली होती.

कार्तिकीने भावाच्या लग्नाचे फोटो तिच्या इन्स्टाग्रामवरुन शेअर केले आहेत. त्या फोटोंवर लाइक्स आणि कमेंट करत चाहत्यांनी त्यांना पुढील आयुष्यासाठी शुभेच्छा दिल्या आहेत.