कोण आहे ही अभिनेत्री? स्टार प्रवाहच्या नव्या मालिकेतून छोट्या पडद्यावर एन्ट्री

उमेश कामतसोबतही झळकली आहे 'ही' अभिनेत्री

स्टार प्रवाहवर 'नशिबवान' ही नवी मालिका सुरु होतेय. या मालिकेतून एक नवा चेहरा समोर आला आहे. ही अभिनेत्री कोण? याची उत्सुकता सर्वांना लागली आहे.

या अभिनेत्रीचं नाव आहे नेहा नाईक(Neha Naik). 'नशिबवान' मालिकेत ती दिसणार आहे. यामध्ये अभिनेते अजय पूरकर खलनायकाच्या भूमिकेत आहेत. त्यांच्याच मुलीच्या भूमिकेत नेहा नाईक झळकत आहे.

नेहा नाईक सिनेमांमध्येही दिसली आहे. दिग्पाल लांजेकरांच्या 'संत ज्ञानेश्वरांची मुक्ताई' या सिनेमात ती संत मुक्ताबाईंच्या भूमिकेत दिसली होती. या सिनेमातही तिच्यासोबत अजय पुरकर होते.

या सिनेमासाठी नेहाची १५० तरुणींमधून निवड झाली होती. संत मुक्ताईच्या भूमिकेला न्याय देण्यासाठी तिने खूप मेहनत घेतली होती.

नेहा रंगभूमीवर विशेष कार्यरत आहे. पुण्यात राहत असतानाच तिचा रंगभूमीशी संबंध आला. तिच्या अभिनयाची ताकद तिने या सिनेमातून दाखवली होती.

याशिवाय नेहाने 'नाव तुझं काय?' या शॉर्टफिल्ममध्येही काम केलं आहे. अभिनेता उमेश कामत तिच्यासोबत या शॉर्टफिल्ममध्ये झळकला होता.

नेहा व्हॉइस ओव्हर आर्टिस्टही आहे. तसंच ती काही जाहिरातींमध्येही दिसली आहे. आता मालिकेत मुख्य भूमिकेत झळकण्याची ही तिची पहिलीच वेळ आहे.