'नॅचरल ब्युटी' म्हणून लोकप्रिय असलेल्या या अभिनेत्रीनं नाकारलेली ३ कोटींची फेयरनेस क्रीमची जाहिरात

अभिनेत्रीनं फेयरनेसची जाहिरात नाकारल्यामुळे तिच्या या निर्णयाचं सर्वत्र खूप कौतुक झाले होते.

अभिनेत्री साई पल्लवी सिनेइंडस्ट्रीतील यशस्वी अभिनेत्रींपैकी एक आहे. ९ मे, १९९२ साली जन्मलेली साई पल्लवी अभिनय क्षेत्रात येण्यापूर्वी डॉक्टर होती. तिला नॅचरल ब्युटी म्हटलं जातं. अभिनेत्रीने एका फेयरनेस क्रिमच्या जाहिरातीला नकार दिला होता.

साई पल्लवी बेधडक विधानांमुळे चर्चेत येत असते. मीडिया रिपोर्ट्सनुसार, साई पल्लवी हिला २०१९ साली एका फेअरनेस क्रीमच्या जाहिरातीची ऑफर मिळाली होती. ज्यासाठी तिला २-३ कोटी रुपये मानधन मिळणार होते. पण अभिनेत्रीने ही जाहिरात नाकारली आणि अशा प्रकारच्या कोणत्याच गोष्टीचं प्रमोशन करणार नसल्याचे म्हटले.

एका मुलाखतीत साई पल्लवीने खुलासा केला होता की, तिला जास्त मेकअप करायला आवडत नाही. तिचं म्हणणं आहे की, ती भारतीय आहे आणि तिला जो रंग मिळाला आहे, तो योग्य आहे.

सोशल मीडियावर तिच्या या निर्णयाचं खूप कौतुक झाले होते आणि नेटकऱ्यांनी तिच्या या निर्णयाला सर्वोत्तम निर्णय म्हटलं होतं.

साई पल्लवीच्या वर्कफ्रंटबद्दल सांगायचं झालं तर २००५ साली तिने 'कस्तुरी मान' सिनेमातून पदार्पण केले होते. त्यानंतर तिने कधीच मागे वळून पाहिले नाही.

यानंतर साई पल्लवी काली, मिडिल क्लास, मारी, लव स्टोरी, श्याम सिंह रॉय, गार्गी, अमरन, तंडेल यासारख्या सिनेमात झळकली आहे.

आगामी प्रोजेक्टबद्दल सांगायचं झालं तर साई पल्लवी लवकरच नितेश तिवारी दिग्दर्शित 'रामायण' सिनेमात झळकणार आहे. यात ती सीतेच्या भूमिकेत दिसणार आहे.

'रामायण' सिनेमात साई पल्लवीसोबत रणबीर कपूर रामच्या भूमिकेत दिसणार आहे. तर केजीएफ स्टार यश रावणाच्या भूमिकेत पाहायला मिळणार आहे.