सचिन पिळगावकरांच्या लेकीचं बोल्ड फोटोशूट, सोनाली बेंद्रेलाही पडली भुरळ, कमेंट करत म्हणाली...

श्रीया पिळगावकरच्या हॉट फोटोंनी वेधलं सोनाली बेंद्रेचं लक्ष, कमेंट करत म्हणाली...

सचिन पिळगावकर आणि सुप्रिया पिळगावकर हे मराठी चित्रपटसृष्टीतील लोकप्रिय कपल आहेत. आईवडिलांप्रमाणेच त्यांची लेक श्रीया पिळगावकरही अभिनय क्षेत्रात कार्यरत आहे. श्रियाने अनेक वेब सीरिजमध्ये काम केलं आहे.

श्रीया सोशल मीडियावरही प्रचंड सक्रिय असल्याचं पाहायला मिळतं. अनेकदा श्रीया तिचे फोटो इन्स्टाग्रामवर शेअर करताना दिसते. नुकतंच श्रीयाने बोल्ड फोटोशूट केलं आहे.

श्रीयाने काळ्या रंगाच्या ट्रान्सपरंट ड्रेसमध्ये फोटोशूट केलं आहे. तिने हेअरस्टाइल आणि हटके मेकअप केला आहे. तिच्या हा बोल्ड लूक पाहून चाहतेही अवाक् झाले आहेत.

श्रीयाच्या या हॉट फोटोशूटची सर्वत्र चर्चा आहे. तिच्या या फोटोंनी सगळ्यांचं लक्ष वेधून घेतलं आहे. श्रीयाचे हे फोटो सोशल मीडियावर व्हायरल झाले असून चाहत्यांनी फोटोंवर कमेंटही केल्या आहेत.

बॉलिवूड अभिनेत्री सोनाली बेंद्रेलाही श्रीयाच्या या लूकची भूरळ पडली आहे. श्रीयाच्या या फोटोंवर सोनालीने कमेंट करत “लव्ह” असं म्हटलं आहे.

अवघी पाच वर्षांची असल्यापासून श्रीयाने बालकलाकार म्हणून काम करण्यास सुरुवात केली. सचिन पिळगावकरांच्या ‘एकुलती एक’ या मराठी चित्रपटातून तिने मोठ्या पडद्यावर पदार्पण केलं होतं. ‘इश्क ए नादान’ या चित्रपटातून ती प्रेक्षकांच्या भेटीला येणार आहे.