'शाळा' चित्रपटातील मुकुंद आठवतो का? आता अभिनेत्यामध्ये झालाय कमालीचा बदल

Anshuman joshi: अंशुमन आता चांगलाच मोठा झाला असून आता तो हॅण्डसम दिसत असल्याचं पाहायला मिळतं.

मराठी कलाविश्वात आतापर्यंत अनेक दर्जेदार चित्रपटांची निर्मिती झाली आहे. यातलाच एक चित्रपट म्हणजे शाळा.

प्रत्येक व्यक्तीला त्याच्या शालेय जीवनातील आठवणींमध्ये घेऊन जाणारा हा चित्रपट विशेष गाजला.

या चित्रपटात अभिनेत्री, गायिका केतकी माटेगांवकर आणि अंशुमन जोशी याने मुख्य भूमिका साकारली होती.

या चित्रपटानंतर केतकी बऱ्याच प्रोजेक्टमुळे चर्चेत आली. मात्र, अंशुमन फारसा कुठे दिसला नाही. त्यामुळे हा अभिनेता कुठे आहे, काय करतो असे अनेक प्रश्न नेटकऱ्यांना पडतात.

अंशुमन जोशी याने शाळा चित्रपटात मुकुंद ही भूमिका साकारली होती. या भूमिकेमुळे तो विशेष लोकप्रिय झाला.

अंशुमन आता चांगलाच मोठा झाला असून आता तो हॅण्डसम दिसत असल्याचं पाहायला मिळतं.

अंशुमन सोशल मीडियावर फारसा सक्रीय नाही. त्यामुळे तो चाहत्यांच्याही संपर्कात फार कमी असतो.

अंशुमन मूळचा सोलापूरचा असून सध्या पुण्यात वास्तव्यास असल्याचं म्हटलं जातं.

शाळानंतर अंशुमन काही मोजक्या चित्रपटांमध्ये झळकला. यात ‘म्हैस'(२०१२), ‘फुंतरू'(२०१६), ‘फास्टर फेणे'(२०१७) या चित्रपटांचा समावेश आहे.

‘शाळा’नंतर अंशुमन ‘फोटोकॉपी’ या चित्रपटात एका वेगळ्याच अंदाजात दिसला. तसंच त्याने कारवां चित्रपटातही काम केलं आहे.