'माझ्या नवऱ्याची बायको' फेम शनायाचा बोल्ड अंदाज; अभिनेत्रीच्या अदांवर नेटकरी फिदा

मराठी सिनेसृष्टीतील 'Cool' खलनायिका म्हणून ओळखल्या जाणाऱ्या शनायाचे बोल्ड फोटोशूट सध्या चर्चेत आहे.

छोट्या पडद्यावरी 'माझ्या नवऱ्याची बायको' या लोकप्रिय मालिकेतून अभिनेत्री रसिका सुनील चाहत्यांच्या समोर आली. त्यात तिने शनाया हे निगेटिव्ह पात्रं साकारलं होतं.

या मालिकेत हटके भूमिका साकारत तिने चाहत्यांची मने जिंकली. छोट्या पडद्यावरील ‘शनाया’ ते मोठ्या पडद्यावर विविधांगी भूमिकांनी अभिनेत्रीने प्रेक्षकांच्या मनावर राज्य केलं.

मराठी सिनेसृष्टीची 'बबली गर्ल' म्हणून या अभिनेत्रीची ख्याती आहे. यापूर्वी रसिकाने वेगववेगळ्या प्रोजेक्ट्स मधून कामं केली. मात्र तिला या मालिकेमुळे खरी ओळख मिळाली. त्यातून रसिकाचा मोठा चाहतावर्ग निर्माण झाला.

नुकतंच अभिनेत्रीने काही फोटोज चाहत्यांसोबत शेअर केलेत. रसिकाच्या या बोल्ड फोटोंनी चाहत्यांचं लक्ष वेधून घेतलं आहे. तिच्या या फोटोंवर चाहत्यांनी लाइक्स आणि कमेंट्सचा वर्षाव केला आहे.

रसिका सोशल मीडियावरही प्रचंड सक्रिय असते. नवीन प्रोजेक्टची माहिती ती पोस्टद्वारे चाहत्यांना देत असते.

रसिकाने अनेक मालिका आणि चित्रपटांमध्ये काम केलं आहे. फकाट, गर्लफ्रेंड, बघतोस काय मुजरा कर, बस स्टॉप अशा अनेक मराठी सिनेमांमध्ये ती झळकली.

आज रसिका सिनेसृष्टीत सक्रिय नसली तरी चाहते आजही तिच्यावर भरभरून प्रेम करतात.