PHOTOS : मोदी सरकारला आव्हान देणारी आणि कंगनाला ‘ताप’ देणारी रिहाना आहे तरी कोण?

दिल्लीच्या वेशीवर आंदोलन करत असलेल्या शेतक-यांबद्दल रिहाना बोलली आणि संपूर्ण जगात तिच्या नावाची चर्चा सुरु झाली. सुमारे 4400 कोटी संपत्तीची आहे मालकीण

पॉप स्टार रिहाना दिल्लीच्या वेशीवर आंदोलन करत असलेल्या शेतक-यांबद्दल बोलली आणि संपूर्ण जगात तिच्या नावाची चर्चा सुरु झाली.

भारतातील शेतकरी आंदोलनाचा फोटो ट्विट करत, आपण याबद्दल का बोलत नाहीये? असा सवाल रिहानाने केला आणि तिच्या या ट्विटची भलतीच चर्चा सुरु झाली.

रिहानाच्या ट्विटने कंगना राणौतलाही संताप आणला. आता कंगनाला ताप देणारी ही रिहाना आहे तरी कोण असा प्रश्न तुम्हालाही पडला असेल.

तर या रिहानाचे खरे नाव आहे रिहाना फेंटी. हॉलिवूडची पॉप सिंगर आणि अभिनेत्री अशी तिची ओळख.

ट्विटरवर 100 मिलियन फॉलोअर्स असणारी रिहाना 600 मिलिअन डॉलर्स (सुमारे 4400 कोटी) संपत्तीची मालकीण आहे.

वय आहे उणेपुरे 32. पण या वयात तिचा स्वत:चा फेंटी नावाचा फॅशन ब्रँड आहे. 2019 साली फोर्ब्सच्या सर्वाधिक श्रीमंत गायिकांच्या यादीत ती अव्वल स्थानी होती.

रिहाना 14 वर्षांची होती तेव्हा तिच्या आईवडीलांचा घटस्फोट झाला. याचा रिहानाच्या आयुष्यावर खूप मोठा परिणाम झाला.

15 व्या वर्षी ती प्रोड्यूसर इवान रोजर्स यांच्याकडे ऑडिशनला पोहाचली. तोच तिच्या आयुष्याचा टर्निंग पॉइंट ठरला.

यानंतर ती रोजर्स व त्यांच्या पत्नीसोबत राहू लागली आणि एकापाठोपाठ एक तिचे 4 गाणे शूट झाले. मग काय रिहाना एका रात्रीत स्टार बनली. यानंतर तिने कधीच मागे वळून पाहिले नाही.

2005 मध्ये रिहानाने ‘म्युझिक ऑफ द सन’ हा तिचा पहिला स्टुडिओ अल्बम तुफान गाजला. अगदी बिलबोर्ड 200 चार्टच्या पहिल्या दहामध्ये पोहोचला होता.

2006 मध्ये रिहानाने ‘ए गर्ल लाइक मी’ या तिच्या दुस-या अल्बमनेही धूम केली. बॅटलशिप आणि ओसियन 8 यासारख्या हॉलिवूडपटात तिने कामही केले.

रिहाना अनेकदा सामाजिक मुद्यांवर बोलताना दिसते. असते. ट्रम्प सरकाराने घेतलेल्या इमिग्रेशन संदभार्तील निर्णयावरही तिने टीका केली होती.