सानिया मिर्झा की शोएब मलिक? कोणाची संपत्ती आहे जास्त? जाणून घ्या दोघांची प्रॉपर्टी

कोट्यवधींची मालकीण आहे सानिया मिर्झा! कमाईच्या बाबतीत Ex पती शोएब मलिकलाही देते टक्कर

भारतीय टेनिसपटू सानिया मिर्झा तिच्या वैयक्तिक आयुष्यामुळे चर्चेत आली आहे. सानियाचा पती आणि पाकिस्तानी क्रिकेटर असलेल्या शोएबने तिसऱ्यांदा संसार थाटला आहे.

शोएबने पाकिस्तानी अभिनेत्री असलेल्या सना जावेदशी निकाह करत सगळ्यांनाच आश्चर्याचा धक्का दिला. गेल्या काही दिवसांपासूनच सानिया आणि शोएबमध्ये बिनसल्याच्या चर्चा होत्या.

सानियाने शोएबसोबतचे सगळे फोटोही तिच्या सोशल मीडियावरुन डिलीट केले होते. त्यामुळे त्यांच्यात दुरावा आल्याच्या चर्चा रंगल्या होत्या. पण आता सानियाने शोएबपासून खुला घेत वेगळं झाल्याचं समोर आलं आहे.

सानिया आणि शोएबने २०१० मध्ये निकाह करत नव्या आयुष्याला सुरुवात केली होती. त्यांच्या लग्नाची बरीच चर्चा रंगली होती. त्यांचं नातं म्हणजे भारत-पाकिस्तानचा मिलाप असंही बोललं जात होतं.

पण, १४ वर्षांनंतर सानिया-शोएबचा संसार मोडला. त्यांना एक मुलगा असून सध्या तो सानियाबरोबर राहत आहेत.

जागतिक दर्जाची टेनिसपटू असलेल्या सानियाने तिच्या खेळाने भारतीयांची मनं जिंकली. सानिया लक्झेरियस आयुष्य जगते. खेळाबरोबरच ती अनेक कंपन्यांची ब्रँड एम्बेसिडरही आहे.

खेळातून सानिया वर्षाला जवळपास ३ कोटींची कमाई करते. तर ब्रँडच्या जाहिरातीतून सानियाला २५ कोटी रुपयांची कमाई होते, अशी माहिती caknowledge या वेबसाइटने दिली आहे.

स्पोर्ट्सकीडाने दिलेल्या माहितीनुसार, सानियाचं हैदराबादमध्ये स्वत:चं घर आहे. याची किंमत जवळपास १३ कोटींच्या घरात आहे. याबरोबरच दुबईतही तिच्या नावे एक घर आहे.

सानियाकडे मर्सिडीज बेंझ, ऑडी, रेंज रोव्हर, बीएमडब्ल्यू अशा महागड्या कारही आहेत. सानिया २५ मिलियन डॉलर म्हणजेच जवळपास २०० कोटींची मालकीण आहे.

तर सानियाचा एक्स पती शोएब मलिकही कोट्यवधींचा मालक आहे. सानियापेक्षा शोएबची संपत्ती जास्त आहे.

लक्झरियस आयुष्य जगणाऱ्या शोएबचं नेटवर्थ २८ मिलियन डॉलर आहे. भारतीय रुपयानुसार, शोएब एकूण २२८ कोटी संपत्तीचा मालक आहे.