Net worth: साधी राहणी असलेले KK होते कोटयवधींचे मालक; लाइव्ह कॉन्सर्टसाठी घ्यायचे लाखोंचं मानधन

KK Net worth:केके यांना लक्झरी कारची विशेष आवड होती. त्यामुळे त्यांच्याकडे एकाहून एक सरस कारचं कलेक्शन होतं.

प्रसिद्ध बॉलिवूड गायक केके (Singer KK) अर्थात कृष्णकुमार कुन्नथ यांच्या निधनामुळे साऱ्यांनाच धक्का बसला आहे.

एका लाइव्ह कॉर्न्स्ट दरम्यान हृदयविकाराचा झटका आल्यामुळे केके यांचं निधन झालं.

आजवरच्या कारकिर्दीमध्ये केके यांनी 2500 पेक्षा अधिक गाणी गायली होती. त्यांच्या प्रत्येक गाण्यात एक वेगळी जादू होती. त्यामुळेच त्यांची गाणी ऐकल्यावर प्रत्येकाला जुने कॉलेजमधील वा मित्रांच्या कट्ट्यावरील दिवस आठवायचे.

हिंदी, मराठी, तेलुगू, कन्नड, मल्याळम आणि बंगालीसह अन्य भाषांमध्ये गाणी गायत त्यांनी श्रोत्यांना मंत्रमुग्ध केलं होतं.

केके यांचं निधन धक्कादायक असून सध्या सोशल मीडियावर त्यांच्याशी निगडीत अनेक गोष्ट चर्चिल्या जात आहेत.

सध्या सोशल मीडियावर केके यांची लव्हस्टोरी आणि त्यांची एकूण प्रॉपर्टी यांची चर्चा होताना दिसते.

९०च्या काळापासून कलाविश्व दणाणून सोडणाऱ्या केके यांनी त्यांच्या कलागुणांच्या जोरावर बऱ्यापैकी संपत्ती गोळा केली होती.

चित्रपटातील गाण्यांना आवाज देण्यासोबतच ते लाइव्ह कॉन्सर्ट वा अन्य स्टेज शोदेखील करायचे. त्यामुळे हा एक त्यांच्या कमाईचा स्त्रोत होता.

मूळ दिल्लीतील असलेल्या केके एका गाण्यासाठी ५ ते ६ लाख रुपये मानधन घ्यायचे.

लाइव्ह कॉन्सर्ट असेल तर त्यासाठी ते १० ते १५ लाख रुपये फी घ्यायचे.

अत्यंत साधे राहणारे केके यांची एकूण संपत्ती १.५ मिलिअन डॉलर इतकी असल्याचं सांगण्यात येतं.

केके यांना लक्झरी कारची विशेष आवड होती. त्यामुळे त्यांच्याकडे एकाहून एक सरस कारचं कलेक्शन होतं.

केके यांच्या पश्चात त्यांची पत्नी जॉथी, दोन मुलं आहे. कुन्नथ नकुल आणि कुन्नथ तमारा ही त्यांची दोन मुलं आहेत.