Jiya Shankar :"मी संपूर्ण आयुष्यभर सिंगल राहिन; लग्न करणार नाही, मुलांची झंझट नको"

Jiya Shankar : जियाचा आता लग्नाबद्दलचा विचार पुन्हा एकदा बदलला आहे.

जिया शंकर अल्पावधीतच लोकप्रिय झाली आहे. बिग बॉस ओटीटी २ मुळे ती प्रसिद्ध झाली. तिचे असंख्य चाहते आहेत. मात्र जियाचा आता लग्नाबद्दलचा विचार पुन्हा एकदा बदलला आहे.

अभिनेत्रीने याआधी लवकरात लवकर लग्न करायचं असल्याचं म्हटलं होतं. पण आता एका मेकअप व्हिडीओमध्ये तिचा निर्णय बदलल्याचं पाहायला मिळत आहे.

जियाने व्हिडीओमध्ये म्हटलं आहे की, आता आयुष्यभर सिंगल राहायचं आहे. लग्न करण्याची अजिबात इच्छा नाही आणि आईसोबत राहायचं आहे.

"मला कोणासोबत राहायचं नाही. मी संपूर्ण आयुष्यभर सिंगल राहिन. लग्न करणार नाही. मला हे नको आहे. हे मी आता ठरवलं आहे."

"मला रिलेशनशिप नकोच आहे. मुलांची झंझटच नको. मी बालीमध्ये एक व्हिला बांधेन. माझी आई, दोन श्वान आणि एका मांजरीसोबत राहिन" असं म्हटलं.

काही महिन्यांपूर्वी जियाने "मला नेहमीच फॅमिली हवी होती आणि मला जॉईंट फॅमिली जास्त आवडते" असं सांगितलं होतं. तसेच लग्नाबद्दलही माहिती दिली होती.

"जास्तीत जास्त येत्या दोन वर्षांत लग्न करायचं आहे. जर कोणी भेटलं नाही तर मी मम्मीला सांगेन की, अरेंज मॅरेजची वेळ आता आली आहे असं म्हटलं होतं.

जिया शंकरने आपलं अफेअर आणि ब्रेकअपबाबतही एका इंटरव्ह्यूमध्ये सांगितलं होतं की, तिला त्याचा अजिबात पश्चाताप होत नाही.

"मी एका टॉक्सिक रिलेशनशिपमध्ये होती. ज्यामुळे मी खूप कोलमडून गेली होती. मी स्वत:ला हरवून बसले होते" असं म्हटलं होतं.

जिया सोशल मीडियावर खूप एक्टिव्ह असून नेहमीच तिचे ग्लॅमरस फोटो शेअर करत असते.