तोडीस तोड भूमिका तरी मिळालं कमी मानधन! 'हेरा फेरी'साठी परेश रावल यांच्यापेक्षा अक्षय-सुनीलने घेतले जास्त पैसे

'हेरा फेरी'पासून एकत्र असलेलं हे त्रिकुट आता मात्र प्रेक्षकांना पडद्यावर पाहायला मिळणार नाही. पण, 'हेरा फेरी'साठी या त्रिकुटाने किती मानधन घेतलं होतं, हे तुम्हाला माहितीये का?

'हेरा फेरी ३' मधून परेश रावल यांनी एक्झिट घेतल्यामुळे चाहते नाराज आहेत. 'हेरा फेरी'मध्ये त्यांनी साकारलेलं बाबूराव हे पात्र प्रचंड गाजलं.

२००० साली प्रदर्शित झालेल्या 'हेरा फेरी'मधून अक्षय कुमार, सुनील शेट्टी आणि परेश रावल या त्रिकुटाने प्रेक्षकांची मनं जिंकली.

त्यानंतर 'फिर हेरा फेरी'मधून या तिघांनीही धमाल आणली. त्यामुळेच 'हेरा फेरी ३'साठीही चाहते उत्सुक होते. मात्र, यात आता परेश रावल दिसणार नाहीत.

'हेरा फेरी'पासून एकत्र असलेलं हे त्रिकुट आता मात्र प्रेक्षकांना पडद्यावर पाहायला मिळणार नाही. पण, 'हेरा फेरी'साठी या त्रिकुटाने किती मानधन घेतलं होतं, हे तुम्हाला माहितीये का?

'हेरा फेरी'मध्ये अक्षय कुमारने राजू ही भूमिका साकारली होती. याचे मीम्स अजूनही सोशल मीडियावर व्हायरल होतात.

'हेरा फेरी'मधील राजूसाठी खिलाडी कुमारने जवळपास २० लाख रुपये इतकं मानधन घेतलं होतं.

तर सुनील शेट्टीने या चित्रपटात श्याम हे पात्र साकारलं होतं. यासाठी त्याला १९-२० लाख रुपये इतके पैसे मिळाले होते.

'हेरा फेरी'मध्ये परेश रावल यांनी साकारलेल्या बाबूरावला तोड नाही. पण, यासाठी त्यांना अक्षय कुमार आणि सुनील शेट्टीपेक्षा कमी मानधन मिळालं होतं.

७.५ कोटींच्या बजेटमध्ये बनलेल्या 'हेरा फेरी'मध्ये बाबूभैय्या साकारण्यासाठी परेश रावल यांना १६-१७ लाख रुपये इतकं मानधन मिळालं होतं.